क्युबा

क्युबा República de Cuba क्युबाचे प्रजासत्ताक
ध्वज चिन्ह
ब्रीद वाक्य: "¡Patria o Muerte, Venceremos!" (स्पॅनिश)
राष्ट्रगीत: La Bayamesa
क्युबाचे जागतिक नकाशावरील स्थान
राजधानी (व सर्वात मोठे शहर)	हवाना
अधिकृत भाषा	स्पॅनिश
सरकार	मार्क्सवादी-लेनिनवादी एकपक्षी अंमल
- राष्ट्रप्रमुख	राउल कास्त्रो
महत्त्वपूर्ण घटना
स्वातंत्र्य स्पेनपासून
- क्युबन स्वातंत्र्ययुद्ध	फेब्रुवारी 24, 1895
- पॅरिसचा तह	डिसेंबर 10, 1898
- प्रजासत्ताकाची घोषणा (अमेरिकेपासून स्वातंत्र्य)	मे 20, 1902
- क्युबन क्रांती	जुलै 26, 1953 - जानेवारी 1, 1959
- विद्यमान संविधान	फेब्रुवारी 24, 1976
क्षेत्रफळ
- एकूण	१,०९,८८४ किमी२ (१०५वा क्रमांक)
- पाणी (%)	खुपच कमी
लोकसंख्या
-एकूण	१,१२,७१,८१९ (७३वा क्रमांक)
- घनता	१०२/किमी²
वार्षिक सकल उत्पन्न (पीपीपी)
- एकूण	२१२ अब्ज अमेरिकन डॉलर (६५वा क्रमांक)
- वार्षिक दरडोई उत्पन्न	१८,७९६ अमेरिकन डॉलर
मानवी विकास निर्देशांक  (२०११)	▲ ०.८१५ (अति उच्च) (४४ वा)
राष्ट्रीय चलन	क्युबा पेसो क्युबन परिवर्तनीय पेसो
आंतरराष्ट्रीय कालविभाग	क्युबा प्रमाणवेळ (यूटीसी−०५:००)
आय.एस.ओ. ३१६६-१	CU
आंतरजाल प्रत्यय	.cu
आंतरराष्ट्रीय दूरध्वनी क्रमांक	५३

'क्युबाचे प्रजासत्ताक (स्पॅनिश: República de Cuba) हा कॅरिबियनमधील एक द्वीप-देश आहे. क्युबाच्या उत्तरेस अमेरिकेचे फ्लोरिडा राज्य, ईशान्येस बहामास व टर्क्स आणि कैकास द्वीपसमूह, पश्चिमेस मेक्सिको, दक्षिणेस केमन द्वीपसमूह व जमैका तर आग्नेयेस हैती व डॉमिनिकन प्रजासत्ताक हे देश आहेत. हवाना ही क्युबाची राजधानी व प्रमुख शहर आहे.

स्पॅनिश शोधक क्रिस्टोफर कोलंबस येथे इ.स. १४९२ मध्ये दाखल झाला. लवकरच स्पेनने हा भूभाग आपल्या अधिपत्याखाली आणला. पुढील अनेक शतके स्पेनची वसाहत राहिल्यानंतर १८९८ सालच्या अमेरिका-स्पेन युद्धनंतर १९०२ साली क्युबाला स्वातंत्र्य मिळाले. पुढील काही दशके येथे लोकशाही राहिल्यानंतर १९५२ साली फुल्गेन्स्यो बतिस्ताने क्युबामध्ये येथे हुकुमशाही स्थापन केली. बतिस्ताच्या जुलुमी राजवटीविरुद्ध क्रांती उभारणाऱ्या फिदेल कास्त्रो ह्या सेनानीने लष्करी लढा देऊन १९५९ साली बतिस्ताची सत्ता उलथवून लावली. १९६५ सालापासून क्युबामध्ये कास्त्रो व त्याचा भाऊ राउल कास्त्रो ह्यांच्या नेतृत्वाखाली साम्यवादी प्रशासन अस्तित्वात आहे. शीत युद्धादरम्यान क्युबा सोव्हियेत संघाच्या निकटवर्ती राष्ट्रांपैकी एक होता.

जगात अस्तित्वात असलेल्या फार थोड्या कम्युनिस्ट राजवटींपैकी एक असलेल्या क्युबामध्ये आजच्या घडीला राजकीय स्थैर्य व सुबत्ता आहे.

बाह्य दुवे

विकिमीडिया कॉमन्सवर खालील विषयाशी संबंधित संचिका आहेत: क्युबा

• अधिकृत संकेतस्थळ (स्पॅनिश मजकूर)

• क्युबाचे विकिमिडिया अ‍ॅटलास
• विकिव्हॉयेज वरील क्युबा पर्यटन गाईड (इंग्रजी)