Estatos Unitos d'Amerika
-
-
- Este artikolo uza la grafiya de Aki Yerushalayim para la lingua judeo-espanyola. Mersi muncho por mantener el artikolo uzando este estil.
-
|
Los Estatos Unitos d'Amerika es un payis grande ke se topa entre los oseanos Atlantiko i Pasifiko. Es el terser payis del 'olam en terminos de tamanyo i konta kon mas de 301 milyones de abitantes.
Tene komo fama la reputasion de ser el primer kolonia Anklosaksona (Inglaavlante) enel Muevo Mundo i el primer de librarse de la su tierra materna, en su kavzo, Gran Bretanya. La Revolusion Amerikana que tomo lukar entre 1775-1783 rezultó con la independensia nasionala de los yamados "trese kolonias" britanikas (i el estado independente de Vermont). Djuntos formaron la primera repuvlika del mundo moderno. En 1789 la republika mueva se iva dotar de una konstitusion eskrita, la primera i la mas sharfa konstitusion eskrita ayinda vijente enel 'olam.
En el pais se topa una mezkla grande de personas de tyerras diversos komo el Reino Unido inkluyendo Inglaterra, Skosia i Gales, Irlanda del Nord i la Irlanda, Almania, Afrika, Polonia, Rusia, Kuba, Meksiko, Kina i munchos otros payises. Tene la dosena povlasion djudia mas grande del mundo, alderedor de 6 milyones. La su primera sivdad en povlasion, Mueva York, es konosida komo un «krisol de razas.» La su sivdad kapitala es Washington.
Istorya[trocar | editar código]
Preistorya (16.000 AEK fina 1775)[trocar | editar código]
La teritoriya que ya se conose komo los Estatos Unitos fue inabitada orijinalmente por los aborijinalos, o 'indios,' alderedor 16.000 anyos. Por 1492, bivian aproksimatamente 30.000.000 aborijinalos avlando sovre 300 linguas nativas.
Entre la dishkovrimento de los kontinentes amerikanos por evropeos entre 1492 (sin avlar de los echos por los Vikings en los siglos X i XI) i 1607, los evropeos no inisiaron muncha kolonisazion de la rejion. In 1607 la primera kolonya ingleza kon reushita fue fondata en lo kualo es oy endiya es el mankomun de Virginia (yamada ansina por la reina inglesa, Elizaveta). Durante los anyos del siglo XVII, la kolonisazion britanika okuryo de Carolina del Sur a Massachusetts enel nord, el kualo entonses inkluiya el oy el estato de Maine. Endemas, los Kastilyanos kolonizaron la Florida, la kuala fue kapturada por el Reyno Unido en la Gerra de la Korona Espanyola en 1713 i anyadido al imperio. Endemas, la kolonisazion okuryo en lo ke ya es Kentucky, Georgia, Alabama, Ohio i unos otros.
La Revoluzion (1775-1783)[trocar | editar código]
Diskues de la Gerra de Siete Anyos (anke en la Fransia es yamada La Gerra de las Mueve Anyadas) el ganador, el Reyno Unido, levanto impuestos para pagar las deudas akumuladas durante la gerra. Los estatounitenses, los kualos anteriormente se tenian visto komo inglezos del ultramar, protestaron en kontro de los impuestos (ke fueron kitados menos el del te) ke kavzo el Boston Tea Party en Massachusetts. El governo de George III de Gran Bretanya respondyo por isolar la kolonia i kitar siertos diritos para ke otros estatos no se uniriyan kon Massachusetts. Ma afilu munchas otras kolonias viyeron las aksiones del governo britaniko komo aktos de tiraniya ke puediyan ser uzados en kontro de otros estatos tamben, y se uniyeron kon Massachusetts. Enel 4 de Djulio el Primer Kongreso de los Estados Unitos d'Amerika, konosido komo el Kongreso Kontinental, fue deklarada unilateralmente la independensia de los Estatos Unitos. La Fransia fue el primer payis ke rekonosiyo este muevo payis.
La gerra no fue una gerra kompleta entre una povlasion estatounitense en kontro de soldatos britanikos. Munchos - aprojimatamente uno en kada katro, 25% - apoyaron los britanikos. Inisialmente, los estatounitensos kontrolavan solo el kampo, i los britanikos ivan a ganar. Ama las armadas de la Fransia, la Espanya i los Neerlandezos se unieron kon la kavza amerikana en 1777, 1778 i 1780, dando su ayudo, lo kualo ultimatamente yego i fue konfirmado kon la kriasion del kongreso en 1783 i los britanikos askeptaron al muevo payis. Ma afilu Kanada no gano la su independensia i el estato de Vermont dechidio no unirse al muevo payis.
|
|
 |
|---|---|
