Saint Kitts eta Nevis

Saint Kitts eta Nevisko Federazioa Federation of Saint Christopher and Nevis
Bandera Armarria
Goiburua: Country Above Self
Nazio ereserkia: O Land of Beauty! errege-ereserkia: God Save the Queen
Hiriburua (eta hiri handiena)	Basseterre 17°18′N 62°44′W
Hizkuntza ofiziala(k)	Ingelesa
Gobernua Monarka Gobernadorea Lehen Ministroa	Monarkia parlamentarioa Elisabet II.a Cuthbert Sebastian Denzil Douglas
Independentzia Erresuma Batutik	1983ko irailaren 19a
Eremua • Guztira • Ura	261 km² (207.) % Mespretxagarria
Biztanleria • Zenbatespena (2005) • Dentsitatea Herritarra	42.696 (209.) 164 biztanle/km² (64.) sankistar
Dirua	Karibe Ekialdeko Dolarra (XCD)
Ordu eremua  • Udan (DST)	UTC (UTC -4) (UTC -4)
Interneteko domeinua	.kn
Telefono aurrezenbakia	+1-869

Saint Kitts eta Nevisko Federazioa Karibe itsasoko herrialdea da. Leeward Uharteetako Saint Kitts eta Nevis uharteek osatzen dute. Amerikako herrialderik txikiena da bai azaleran bai biztanle kopuruan. Hiriburua eta estatu federalaren gobernua uharte handiena den Saint Kittsen dago (lehen Saint Christopher deitzen zena). Estatu txikiagoa den Nevis (lehen Nuestra Señora de las Nieves deitutakoa) Saint Kittseko hego-ekialdetik 3 km-ra dago.

Historikoki, Britainia Handiko kolonia den Angila ere batasun honen barruan zegoen, eta horrela Saint Christopher-Nevis-Angila bezala ezagutzen zen. Nahiz eta geografikoki Saint Kitts eta Nevis Leeward Uharteetan egon, hainbat uhartek osatutako uhartedietatik gertu daude. Ipar-ipar-mendebaldean Saint Eustatius, Saba, Saint Barthélemy eta Saint Martin uharteak daude. Ipar-ekialdean Antigua eta Barbuda eta hego-ekialdean Montserrat aurkitu ditzakegu.

Hiriburua Basseterre da.

Geografia

Satelite irudia

Herrialdeak bi uharte nagusi ditu, Saint Kitts eta Nevis.

Uharteak jatorri bolkanikoa dute, erdian gailur zabal eta oihanez estaliak dituztenak. Garaiena Liamuiga mendia da (1.156 m). Gailur hauetako malda pikoak ia populatu gabe daude, biztanleen gehiengoa itsasertzeko zabaldietan bizi baita. Hainbat ibai jeisten dira gailurretatik bi uharteetan, bertakoei edateko urez hornituz. Saint Kitts uhartean aintzira txiki bat dago.

Uharteetako klima tropikal hezea da eta urteko batez besteko tenperatura 26,7°C.

Banaketa administratiboa

Sakontzeko, irakurri: «Saint Kitts eta Nevisko banaketa administratiboa»

Saint Kitts eta Nevis hamalau parrokiatan banatzen da, horietatik bederatzi Saint Kittsen daude eta beste bostak Nevisen:

Saint Kitts

• Christ Church Nichola Town
• Saint Anne Sandy Point
• Saint George Basseterre
• Saint John Capisterre
• Saint Mary Cayon
• Saint Paul Capisterre
• Saint Peter Basseterre
• Saint Thomas Middle Island
• Trinity Palmetto Point

Nevis

• Saint George Gingerland
• Saint James Windward
• Saint John Figtree
• Saint Paul Charlestown
• Saint Thomas Lowland

Ekonomia

Sakontzeko, irakurri: «Saint Kitts eta Nevisko ekonomia»

Saint Kitts eta Nevis uharte-biki federazio bat da non azukre eta turismoaren industria nagusiak dira bere ekonomiaren bereizgarri. Mende bat baino gehiagoz, azukrea izan da herrialdearen esportazio nagusia baina ekoizpen kostuen igoerak, munduko merkatu prezio txikiek eta harenganako mendekotasuna murrizteko gobernuaren esfortzuek nekazaritzako sektorearen dibertsifikazio gorakor batera eraman dute.

2005eko azken zatian, gobernuak azukre konpainia publikoa ixtea erabaki zuen galerak izan eta herrialdearen deficit fiskalaren erantzule esanguratsua zelako. Azukrea oraindik ere nekazaritza sektorea menperatzen duen bitartean, turismoa, esportaziora bideratutako fabrikazioa eta offshore bankuak garatzen ari dira eta herrialdearen ekonomian gero eta pisu gehiago daukate.

Turismoaren igoera moneta atzerritarren hazkundearen erantzule nagusia bilakatu da Saint Kitts eta Nevisen. Herrialdeak arroparen industria arrakastatsu bat ere garatu du eta Karibeko muntaketa elekronikoen industria handienetako bat dauka.

Kanpo loturak

Amerikako herrialde eta lurraldeak
Ipar Amerika eta Karibea	Estatu burujabeak: Ameriketako Estatu Batuak • Antigua eta Barbuda • Bahamak • Barbados • Belize • Costa Rica • Kuba • Dominika • Dominikar Errepublika • El Salvador • Grenada • Guatemala • Haiti • Honduras • Jamaika • Kanada • Mexiko • Nikaragua • Panama • Saint Kitts eta Nevis • Santa Luzia • Saint Vincent eta Grenadinak • Trinidad eta Tobago Dependentziak: Groenlandia (Danimarka) • Guadalupe ∙ Martinika ∙ Saint Barthelemy ∙ Saint Martin ∙ Saint Pierre eta Mikelune (Frantzia) • Aruba · Holandarren Antillak (Herbehereak) • Aingira · Bermuda · Birjina uharte britainiarrak · Kaiman uharteak · Montserrat · Turkak eta Caicoak (Erresuma Batua) • Puerto Rico · Birjina uharte amerikarrak (Ameriketako Estatu Batuak)	Hego Amerika	Estatu burujabeak: Argentina • Bolivia • Brasil • Txile • Kolonbia • Ekuador • Guyana • Paraguai • Peru • Surinam • Uruguai • Venezuela Dependentziak: Guyana Frantsesa (Frantzia) • Falklandak (Erresuma Batua)