Seychelles

	République des Seychelles; Republic of Seychelles
Bandera de les Islles Seychelles	Escudu de les Islles Seychelles
	Lema nacional: Finis Coronat Opus; (en llatín: La Fin Corona la Obra)
	Himnu nacional: Koste Seselwa
Capital; • Población; • Coordenaes	Victoria; 24.970 (2002); 17°45' S 168°18'E
Ciudá más poblada	{{{ciudá_más_poblada}}}
Llingües oficiales	{{{llingües_oficiales}}}
Llingües reconocíes	{{{llingües_reconocíes}}}
Forma de gobiernu Presidente	República presidencialista; James Michel
Independencia; Del Reinu Xuníu; 29 de xunu de 1976
Superficie; • Total; • % agua; Llendes; Costes	Puestu 200º; 455 km²; insignificante; nenguna; 491 km
Población; • Total; • Densidá	Puestu 182º; 81.188 (2005); 179 hab/km²
PIB (PPA); • Total (2006); • PIB per capita	Puestu 170º; US$ 979 millones;
Moneda	Rupia de Seychelles
Xentiliciu	seychellés, -esa, -és (-eso)
Zona horaria	UTC+ 4
Dominiu d'Internet	.sc
Códigu telefónicu	+248
Prefixu radiófonicu	S7A-S7Z
Códigu ISO	690 / SYC / SC
	Miembru de: Commonwealth, ONX, XA
	Sitiu web del Gobiernu:; {{{web_gobiernu}}}

La República de Seychelles (tamién Seixeles^[1]) ye un grupu de 115 islles asitiaes nel Océanu Índicu, al noreste de Madagascar, con una superficie total de 455 km². La so capital Victoria ye la única ciudá d'archipiélagu, asitiada na islla Mahé, habitada por un terciu la población.

Tien l'únicu aeropuertu y puertu internacional del país, que reciben vuelos dende los principales aeropuertos internacionales del mundu, yá que la principal fonte de divises del país ye'l turismu.

Una de les atraiciones principales de Victoria ye'l Xardín Botánicu onde puen observase les tortugues xigantes que namái s'alcuentren nestes islles y nes Islles Galápagos.

La triba predominante ye la seychellesa de raigaños africanos y franceses, pero tamién hai minoríes chines ya indies. La mayoría de la población profesa'l catolicismu, más un 8% de la población son anglicanos y hai un 2% de diverses relixones.

Seychelles ye lo que se conoz como un paraísu tropical. Les islles conserven la so guapura natural, con fermoses sableres y una mar con escelentes condiciones pa los amantes del buceu. Tien clima tropical con temperatures que, añalmente, oscilen ente los 25 y 30 °C, con meses mui lluviosos de payares a mayu cuando son algamaes polos vientos monzónicos.

Nel añu 2004, estes islles foron afeutaes pol tsunami causáu por un terremotu somarín, a la veriquina d'Indonesia, el 26 d'avientu, que cobrara más de 300.000 víctimes en delles fasteres del Océanu Índicu. Nel casu de les Seychelles, los daños estimaos llegaron a los 30 millones de dólares, anque nun sofrieron pérdes humanes yá que la población foi allertada sobro'l desastre.

Historia[editar | editar la fonte]

Magar que nun hai consenso sobro la cuestión, parez que navegantes austronesios, y dempués comerciantes árabes y de les islles Maldives foron los primeros en visitar esti archipiélagu d'aquella deshabitáu. Alcontráronse restos de marinos de les Maldives del sieglu XII en Silhouette Island^[2]. La primer visita europea de la que hai constancia foi la que fizo l'almirante portugués Vasco de Gama, cuando en 1502 pasó poles islles del Almirante, a las que-yos dio nome n'honor de so. La primer vez que posaron en tierra los europeos, sicasí, foi en xineru de 1609; fízolo la tripulación del barcu inglés Ascension.

Como puntu de tránsitu del comerciu ente África y Asia, les islles abellugaron delles veces a pirates hasta que Francia tomó'l control del archipiélagu en 1756, cuando'l capitán Nicholas Morphey tomó posesión d'elles en nome del rei de Francia y púnxo-yos el so actual nome n'honor del ministru de Finances de Lluis XV, Jean Moreau de Séchelles ^[3].

Los británicos trataron de facese coles islles ente 1794 y 1810, nel contestu de les guerres escontra Napoleón. L'alministrador francés de la islla negose a resistir cuando los barcos de guerra inglesa aportaron, y negoció con ellos una capitulación que dio a los colonos que había nella privilexos de neutralidá. Tres de la rendición de Mauriciu en 1810 el control d'Inglaterra foi total, y refrendose col tratáu de París de 1814. Seychelles convirtióse nuna colonia dixebrada de la de Mauriciu en 1903, y en 1966 y 1970, cuando'l camín de la independencia taba abriéndose, cellebráronse elecciones nel archipiélagu.

Independencia (1976)[editar | editar la fonte]

Seychelles algamó la independencia, col estatus de república asociada a la Commonwealth, en 1976. Nesa década les Seychelles yeren un llugar de descansu pa la jet set^[4], pero en 1977 el presidente James Mancham foi depuestu por un güelpe d'estáu dirixíu por France Albert René. Esti yera contrariu a la dependencia económica esclusiva del turismu, y declaró que quería recuperar les islles pa los sos habitantes^[5]. La constitución promulgada en 1979 convirtió el país nún estáu socialista de partíu únicu, y había selo hasta 1991.

James Michel, presidente de Seychelles dende 2004.

Na década del 1980 hebo varios intentos de deponer al presidente, dalgunos con axuda de la República Sudafricana. Asina, en 1981 Mike Hoare, al frente d'un grupu de 43 mercenarios sudafricanos antroxaos de xugadores de rugby qu'aportaben al archipiélagu pa pasar les sos vacaciones intentaron facese col poder. Hebo una batalla nel aeropuertu, y munchos de los mercenarios consiguieron escapar tres de secuestrar un avión de la compañía Air India^[6]. En 1986 otru güelpe, dirixíu pol ministru de Defensa Ogilvy Berlouis, obligó al presidente René a pidí-y ayuda a la India. Un navíu de guerra indiu, el INS Vindhyagiri, llegó al puertu de Victoria p'albuertar el intentu de güelpe d'estáu^[7].

Tres de la disolución de la Xunión Soviética, en setiembre de 1991, el presidente René anunció la vuelta al multipartidismu. Enmendose la Constitución, y a finales de xunetu de 1993 cellebráronse les primeres eleiciones presidenciales y llexislatives, que ganó otra vuelta René. Faría lo mesmu nas vinientes hasta que, en 2004, pasó-y el cargu al so vicepresidente James Michel. En xineru de 2013 les islles declararon l'estáu d'emerxencia porque'l ciclón tropical Fellen causó lluvies torrenciales que provocaron inundaciones y argayos qu'estrozaron miles de cases^[8].