دانمارک

|}}

Kongeriget Danmark دانمارک
ملی شعار: "خدای ِکومِک، مردمون ِمهر، دانمارک ِقدرت"
ملی سرود: دوست‌داشتنی سرزمین
دانمارک، اروپای اتحادیه دله
دانمارک ِپادشائی
نیشتنگا (و گتترین شهر)		کپنهاگ شرقی′۳۴°۱۲ شمالی′۴۳°۵۵
رسمی زوون		دانمارکی
حکومت ِنوع		مشروطه پادشائی
حاکمون نوع  • ملکه • نخست وزیر		مارگارت دوم هله تورنینگ-اشمیت
گتی
-	گتی	۴۳٬۰۹۴کیلومتر مربع (۱۳۴ام)
-	‌ئو‌ (٪)	۱٫۶
جمعیت
-	سرشماری	۵٬۴۴۷٬۰۸۴  (۱۰۹ام)
-	جمعیت انبسی	۱۲۸٫۴۸‎/km۲‏ (۷۸ام)
جی‌دی‌پی	(تخمین ۲۰۰۶)
-	مجموع	۱۹۸٫۵ میلیارد دلار (۴۵ام)
-	سرانه	۳۷٬۰۰۰ دلار (۶ام)
اچ‌دی‌آی (۲۰۰۴)		۰٫۹۴۳ (بالا) (۱۵ام)
پول یکا		کرون (DKK)
زمونی منطقه		CET (جهونی ساعت+۱)
-	تابستونی (DST)	CEST (جهونی ساعت)
اینترنتی دامنه		.dk
تلفن پیش‌شماره		+۴۵

دانمارک ِپادشائی اتا کشور هسته که اروپای ِشمال دَره. ونه نیشتنگا (= پایتخت) کپنهاگ هسته. این کشور ِجمعیت ۵٫۵ میلیون نفر و ونه رسمی زوون دانمارکی هستنه البته فارویی، گرینلندی و آلمانی هم این کشور دله رسمیت دارنه و وشون ِگنش‌کرون بعضی جائون دَرنه.

این کشور ِپول ِیگا کرون هسته و با اونکه این کشور سال ۱۹۷۳ اروپای اتحادیه دله عضو بیّه اما یورو ره شه پول ِبَدِل قبول نَکارده. دانمارک دله ۸۰٫۴ درصد مردمون جه لوتری مسیحیت ِپه‌روو هستنه.

فارو و گرینلند دِتا سِوا جزیره هَستنه که دانمارک ِشِنه اما سال‌های ۱۹۴۸ و ۱۹۷۹ وشون ره دانمارک شه‌گِردونی (= خودمختاری) هِدائه. دانمارک اسکاندیناوی ِجنوبی‌ترین کشور هسته و فقط آلمان جه سامون دانّه. اتا دریویی پـِل هم بساتنه که اورسوند پل نوم دانّه و دانمارک ره سوئد وصل کانده.

دانمارک متحد ملل سازمان و ناتوی ِمؤسسون جه هسته. دانمارک دله مردم ِطبقاتی اختلاف خله کم هسته چون وشون ِحکومِت «رفاه ِدولت» هسته. این طرزی هسته که این کشور ِمردمون همیشه «راضی‌ترین» مردمون اعلام وانّه و این کشور ِفساد همه جا جه کمته هسته.

این کشور ِپرچم، که اتا اسپه صلیب ونه دله دَره، قدیمی‌ترین پرچمی هسته که جهون دله دَیی‌یه و هَنتا کار شونه. وه ره سال ۱۸۲۱ جه دَرنه استفاده کانّه. این پرچم هسته که سوئد، نروژ، فنلاند و ایسلند ونجه الگو بَییتنه.

تاریخ

باستان

دانمارک حدود ۱۲٬۵۰۰ سال پیش مسکونی بی‌یه و کشاورزی ۳۹۰۰ پیش از میلاد ونه دله انجام بی‌یه.

قبل ِاینکه دانمارکی‌ها، که اتی ژرمن بینه، بـِئِن، اتا قوم دیگه که وشون نوم ژوت بی‌یه، اینجه دَیینه و ژوتلند و ونه اطراف ره بسات بینه. ژوت‌ها، آنگل‌ها و ساکسون‌ها سه‌تا ژرمنی قوم بینه.

دانمارکی‌ها ره سده هشتم تا دهم میلادی وایکینگ جه اِشناسینه. دانمارکی‌ها، نروژی‌ها و سوئدی‌ها تمام ِاروپا ره حمله کاردنه.

میونی سده‌ئون

سده دهم میلادی و اوایل سده یازدهم کنوت (سوین وچه) انگلستان و نروژ ره دانمارک وسّه بَییته. کنوت ِبمردن په، دانمارک مدت‌ها دله‌یی جنگ (= جنگ داخلی) داشته. سده‌ئون دوازده و سیزدهم میلادی دله دانمارک پیشرفت هاکرده و ونه سامون گتته بیّه ولی آخرسر اتا رقابت میون شه همسایه‌ئون جه شکست بخارده. سال ۱۳۹۷ میلادی ملکه مارگارت (والدمار چاروم ِکیجا) اتا اتحادیه ره دانمارک و سوئد و نروژ میون بساته. این اتحاد نروژ جه تا سال ۱۸۱۴ و سوئد جه سال ۱۵۲۳ دمباله داشته.

سیاست

شابلون:تصویر چندگانه این کشور ِحکومت مشروطه پادشائی هسته و سال ۱۹۴۵ جه متحد ملل سازمان دله عضوه.

دانمارک ِنظام دموکراسی هسته که سال ۱۸۴۹ بنویشته بیّه. این اساسی قانون هر چن ساله تغییراتی پیدا کارده. دانمارک پارلمان که فُلکِتین (Folketinget) نوم دانّه دانمارک ِقوانین ره رأی یِنّه و تصویب کانده. دانمارک ِپارلمان ۱۷۹تا عضو دانّه که سیاسی احزاب مختلف جه هستنه. دِ نفر دانمارک ِپارلمان دله گرینلند و دِ نفر فارو دله انتخاب وانّه.

تقسیمات کشوری

نوردیولند

میدیولند

هوودستادن

شیلند

سیددانمارک

دانمارک سال ۲۰۰۷ جه پنج‌تا استان بیّه که سرجمع ۹۸تا شهرستون دانّه. گرینلند و فارو هم دِتا شه‌گردون سامون هَستنه که دانمارک ِشِنه.

استان‌ها								شهرستون‌ها
مازرونی نوم	دانمارکی نوم	معنی	نیشتنگا	گتترین شهر	جمعیت (۱ ژانویه ۲۰۰۸)	گَتی (کیلومتر مربع)	جمعیت ِانبسی (بر کیلومتر مربع)	تعداد شهرستان‌ها
هوودستادن	Hovedstaden	نیشتنگائی منطقه	هیلقود	کپنهاگ	۱٬۶۴۵٬۸۲۵	۲٬۵۶۱	۶۴۲٫۶	۲۹
میدیولند	Midtjylland	مرکزی منطقه	ویبرورگ	آرهوس	۱٬۲۳۷٬۰۴۱	۱۳٬۱۴۲	۹۴٫۲	۱۹
نوردیولند	Nordjylland	شمالی یولند	آلبورگ	آلبورگ	۵۷۸٬۸۳۹	۷٬۹۲۷	۷۳٫۲	۱۱
شیلند	Sjælland	دریایی سرزمین ِمنطقه	سورو	روسکیلده	۸۱۹٬۴۲۷	۷٬۲۷۳	۱۱۲٫۷	۱۷
سیددانمارک	Syddanmark	جنوبی دانمارک ِمنطقه	ویله	اودنسه	۱٬۱۹۴٬۶۵۹	۱۲٬۱۹۱	۹۷٫۹۹	۲۲

منابع

ویکی تلمبار دله بتونّی پرونده‌ئونی که دانمارک خَوری دَره ره پیدا هاکنین.

• Wikipedia contributors, "Denmark," Wikipedia, The Free Encyclopedia, (accessed June 14, 2012).
• Crolla, R. شابلون:یادکرد/وC. McKeating. Europe's High Points: Getting to the top in 50 countries. Cicerone Press, 2010. ISBN ‎9781849652896شابلون:یادکرد/بازبینی. 
• MobileReference. Travel Denmark: Illustrated City Guide, Phrasebook, and Maps. Mobi Travel Series. MobileReference.com, 2007. ISBN ‎9781605011370شابلون:یادکرد/بازبینی.