Krímskagi
Krímskagi er skagi sem teygir sig út í Svartahafið. Samkvæmt manntali frá 2007 búa þar tæplega tvær milljónir manna. Meirihluti þeirra telja sig Rússa og tala rússnesku.
Krímskaginn hefur oftar en einu sinni komist í heimsfréttirnar. Krímstríðið var háð á miðri 19. öld á milli Rússa og Vestrænna bandamanna ásamt Ottóman-Tyrkjum. Á Yalta-ráðstefnunni sem haldin var í Yalta á Krímskaganum undir lok seinni heimsstyrjaldarinnar réðu sigurvegararnir ráðum sínum um skiptingu Evrópu að stríðinu loknu.
Skaginn tilheyrði Úkraínu uns Rússland hertók hann og innlimaði árið 2014. Í Rússlandi telst hann jafnt sjálfsstjórnarsvæði sem er lýðveldi.
Krímskagakreppan 2014[breyta | breyta frumkóða]
- Sjá aðalgrein Krímskagakreppan 2014
Í febrúar 2014 komu upp eldfimar aðstæður á Krímskaganum í kjölfar óeirða í Úkraínu og í framhaldi af því hertóku Rússar skagann og innlimuðu í Rússland. Aðgerðin hefur víðast hvar verið fordæmd og engin þjóð hefur viðurkennt þessa innlimun.