Camerun
Camerun | |||||||||
---|---|---|---|---|---|---|---|---|---|
|
|||||||||
Motto: Pace, Laoro, Patria | |||||||||
|
|||||||||
Informasion | |||||||||
Nome par intiero: | Repùblica del Camerun | ||||||||
Nome ufisiałe: | République du Cameroun Republic of Cameroon |
||||||||
Łéngoa uficiałe: | francese, inglese | ||||||||
Cavedal: | Yaoundé (1.430.000 ab. / 2004) | ||||||||
Polìtega | |||||||||
Governo: | Repubblica | ||||||||
Capo de stato: | Paul Biya | ||||||||
Capo de governo: | Philémon Yang | ||||||||
Indipendensa: | da ła Francia el 1° de genaro 1960 | ||||||||
Ingreso a l'ONU: | 20 de setenbre 1960 | ||||||||
Area | |||||||||
Totale: | 475.440 km² | ||||||||
Pos. nel mondo: | 52° | ||||||||
% delle acque: | 1,3 % | ||||||||
Popolasion | |||||||||
Totałe: | 15.746.179 ab. (2003) | ||||||||
Pos. nel mondo: | 60° | ||||||||
Densità: | 34 ab./km² | ||||||||
Giografia | |||||||||
Continente: | Africa | ||||||||
Fuxo oràrio: | UTC +1 | ||||||||
Economia | |||||||||
Vałuta: | franco CFA | ||||||||
Varie | |||||||||
TLD: | .cm | ||||||||
Prefiso tełef.: | +237 | ||||||||
Sigla autom.: | CAM | ||||||||
Ino nasionałe: | Chant de Ralliement | ||||||||
El Camerun xe na republica de l’Africa Osidental.
El confina co la Nigeria a nordovest, el Chad a nordest, la Republica de l’Africa Zentral a est, la Republica del Congo a sudest, el Gabon e la Guinea Equatorial a sud e sudovest; el xe bagnà a sudovest da l’Oceano Atlantego.
Indice
Giografia[canbia | canbia sorxente]
Par saverghene de pì, varda ła pajina Giografia del Camerun. |
El Camerun xe na olta e mezo l’Italia.
El xe ocupà par el groso da altipiani, a nordovest ghe xe na catena montagnosa che la riva a 4.095 metri. La costa xe pianegiante.
Longo la costa piove tuto l'ano. Inte l’altopian meridional ghe do stagioni, seca e piovosa.
El Camerun gha na diversitá de ecosistemi unica nel continente, sendoghe quasi tuti i ecosistemi africani.
El 37% del paexe xe cuerto da foreste; in particolar la costa e l’altopian meridional che el gha anca foreste pluviali. Al nord se cata tereni aridi e savane. L’altopian osidental xe fertile e pien de laghi, e el teren vulcanico xe coltiva’ intensivamente.
Storia[canbia | canbia sorxente]
Par saverghene de pì, varda ła pajina Storia del Camerun. |
Antighità[canbia | canbia sorxente]
I primi abitanti del Camerun xera i baka, na popolasion de pigmei. Nel secolo V, de i grupi sudanici xe rivà da la zona del lago Chad.
I portoghexi xe rivá nel 1472 e i gha tacá a far marcá co i abitanti de la costa.
Modernità[canbia | canbia sorxente]
Al scominsio del XIX secolo, Modibo Adama sa meso a la testa de guerieri fulana par conquistar el nord del paexe e crear el emirato de Adamava. En tel 1884, i todeschi sa tolta el teritorio e i la ciamá la colonia del Kamerun. I novi coloni gha scominsiá a costruir strade e altre struture usando el laoro coato. Dopo la Grande Guera, la colonia l’é stá divisa tra Fransa e Regno Unio.
Indipendensa[canbia | canbia sorxente]
Dopo na guera de liberasion contro i francexi dal 1955 in poi, el Camerun l’é diventá indipendente nel 1960[1].
El primo presidente xe stá Ahmadou Ahidjo. Dopo verghe abolì la federasion, el Camerun xe diventá na republica presidensiale. Ahidjo gha lasá el poder el 4 novembre 1982 al so sucesor, Paul Biya, che xe el presidente fin ancò.
Giografia politega[canbia | canbia sorxente]
La cavedal xe Yaoundé.
Popolasion[canbia | canbia sorxente]
La majoria de i camerunexi xe zoena (47% soto i trent’ani), e la popolasion urbana xe alta (52%).
Etnie[canbia | canbia sorxente]
Ghe xe 282 difarenti etnie.
Religion[canbia | canbia sorxente]
El nord del paexe xe musulman. La zente de la costa xe catolega, al zentro se trova catoleghi, altri grupi cristiani e le religioni tradisionali.
Lengoe[canbia | canbia sorxente]
Se parla inglexe, fransexe e 232 lengoe locali.
Sosietà[canbia | canbia sorxente]
El 48% de la popolasion vive soto el livel de la povertá [2].
El presidente Biya gha poderi asoluti e la zente se lamenta da abusi de i diriti umani.
La corusion xe difusa.
Economia[canbia | canbia sorxente]
La economia de Camerun la se baxa so l’agricoltura (café, tabaco, cana da zucaro), lo sfrutamento forestale e la pesca.
El paexe gha riserve minerarie de grosa entità, ma no ghe molta atività mineraria.
El turismo xe en cresita.
Curiositá[canbia | canbia sorxente]
I portoghexi che xe rivá su le coste del Camerun gha catá che ghera tanti scampi [3] e i gha ciamá el paexe el Rio dos Camarões, da chi vien el nome Camerun.
El xe ciamà l’"Africa in miniatura", visto che el gha quasi tuti i ecosistemi africani.