科索沃

想搵地區，睇下【科索沃地區】。

Republika e Kosovës Република Косово / Republika Kosovo Republic of Kosovo 科索沃共和國
旗仔 徽章
屬地（實轄）
幅員 國土：10,887平方公里（世界第166名） 水域：0%
京城	普里什蒂納
大埠	普里什蒂納
時區	UTC[[UTCUTC +1 夏時制：UTC+2|UTC +1 夏時制：UTC+2]]
國民
人數	人數：約220萬（2005年）人（世界第-名） 擠逼指數：約185/km2（世界第-名）
官府語言	阿爾巴尼亞語、塞爾維亞語
政制
政制	議會民主制
國家領袖 國家元首（總統）：[[阿蒂費特·亞希雅加]] 政府首腦（總理）：[[哈辛·塔奇]]
經濟
貨幣	塞爾維亞第納爾（DINAR）、歐元（€，EUR）
資訊
國際電話區號	未分配

科索沃（阿爾巴尼亞話：Kosova 或 Kosovë，塞爾維亞文：Косово 或 Kosovo）係歐洲巴爾幹半島一個地方，原本係南聯盟塞爾維亞共和國嘅自治省，南部係阿爾巴尼亞同馬其頓，19%以上係阿爾巴尼亞族人，其他多數係塞族同黑山族人。

科索沃地位向來係一個好受關注嘅問題，其中阿族人一直要求科索沃獨立，好多時重用好激進同暴力嘅方法爭取。終於喺2008年2月17號科索沃議會舉行特別會議，通過咗一項獨立宣言，單方面宣佈科索沃已經脫離塞爾維亞共和國，係一個獨立主權國家，定國名做科索沃共和國，但係得阿爾巴尼亞一個國家承認。其中以俄羅斯同塞爾維亞政府都特別反對科索沃獨立，聯合國安理會1244號決議亦無授權畀科索沃獨立。

簡史

中世紀科索沃曾經係塞爾維亞王國嘅政治中心，之後俾奧斯曼土耳其帝國佔領咗成五百年，阿族人就喺呢個時候搬咗入去，喺1912年科索沃併入塞爾維亞版圖成為第一南斯拉夫公國嘅一部分。

二次大戰之後，科索沃同塞爾維亞併咗入南斯拉夫社會主義聯邦共和國，而且有自己自治權，一路到1989年塞爾維亞取消科索沃自治權地位，啲阿族人就好唔滿意，其實佢哋一直都要求科索沃獨立，而且手段重好激進，所以塞爾維亞取消科索沃自治權地位，就激化咗科索沃嘅民族矛盾。到1992年南斯拉夫社會主義聯邦共和國解體，啲阿族人乘機宣佈成立科索沃共和國，不過國際社會唔承認，而科索沃局勢重搞到立立亂。

科索沃戰爭

內文： 科索沃戰爭

1999年3月24號由美國話事嘅北約繞過聯合國唔經安理會授權，以「消除人道災難」為理由，打住「人權高於主權」旗號，向科索沃轟炸咗足足78日，亦即係「科索沃戰爭」。呢場仗開創咗以「人權」、「民族」問題為藉口，令國內問題國際化嘅先例。巴爾幹半島係俄羅斯南進戰略嘅主要基地，俄南兩國係歷史盟友。輿論普遍認為，通過科索沃戰爭，美國加強咗對歐洲安全嘅主導權，擠壓俄羅斯嘅戰略空間。美國嘅根本戰略目標係建立一種以美國為政治仲裁者嘅穩定嘅（歐亞）大陸均勢，唔畀可以統治歐亞大陸從而又可以挑戰美國嘅挑戰者出現。呢單嘢之後，科索沃喺6月中開始由聯合國托管。