Даний

Да́ний (дат. Danmark [ˈd̥ænmɑɡ̊]), официально — Да́ний Королевстве (дат. Kongeriget Danmark) — Йӱдвел Европышто верланыше кугыжаныш. Швеций деч кечывалвел-касвелне, Норвегий деч кечывалвелне. Даний Балтий ден Йӱдвел теҥызлан серлаштыже верланен. Элын кумдыкышкыжо Ютландий пелотро, Данийысе архипелагын 409 отрожо пурат.

Даний - конституционный монархий, кугыжанышым монарх вуйлата, ик палатан парламент - фолькетинг дене пырля законодательный кучемым шукта. Даний 1973 ий гыч Евроушемыш пура, но алят Еврозоныш ок пуро. Даний НАТО ушемым чоҥышо-влак кокла гыч улеш.

Пытартыш ийлаште Даний чӱчкыдын тӱняште эн пиалан эллан шотлалтын.