ख्रिश्चन धर्म

ख्रिश्चन (ग्रीक भाषेतून आलेला शब्द Xριστός, (ख्रिस्तोस), म्हणजे ख्रिस्त अभिषेक्त व्यक्ती (अभिषेक झालेला)). हा एकेश्वरवादावर विश्वास ठेवणारा धर्म आहे. तो येशू ख्रिस्ताच्या शिकवणीवर आधारित आहे. ही शिकवण बायबलमधील नवीन नियमात दिलेली आहे. ख्रिस्ती धर्म तीन मुख्य प्रकारात आढळतो: रोमन कॅथलिक, प्रोटेस्टंट आणि पूर्वत्तर रुढिवादी. प्रोटेस्टंट अजून छोट्या समूहांमध्ये आढळतो, त्याला डिनोमिनेशन (Denomination) म्हणतात. ख्रिश्चन धर्म हा जगातील सगळ्यात मोठा धार्मिक संप्रदाय आहे. बायबल हा ख्रिश्चनांचा धर्मग्रंथ आहे.

विश्वास

ख्रिस्ती विश्वास करतात की येशू हा देवाचा पुत्र आहे, तो ईश्वर असून मनुष्य झाला, मानवतेचा रक्षक, जो तारणारा, त्यामुळे ख्रिस्ती लोक येशूला ख्रिस्त किंवा मसिहा म्हणतात.

ख्रिस्ती विश्वास करतात की येशू मसिह हा तोच आहे ज्याची हिब्रू बायबल (यहुदी लोकांचे धर्मपुस्तक व ख्रिस्ती लोकांचे जुना करार) मध्ये भविष्यवाणी केलेली आहे.