Georgien

Georgie

საქართველო Sakartwelo Georgien
Flagge Wappen
Wahlspruch: ძალა ერთობაშია/dsala ertobaschia (auf Dütsch „Chraft dur Eiheit“)
Amtspraach	Georgisch
Hauptschtadt	Tiflis (georgisch Tbilissi)
Schtaatsform	Republik
Schtaatsoberhaupt	Giorgi Margwelaschwili
Regierigschef	Premierminister Irakli Gharibaschwili
Flächi	(118.) 69.700 km²
Iiwohnerzahl	(113.) 4.646.003 (Stand: Juli 2007)
Bevölkerigsdichti	(101.) 67,3 Iiwohner pro km²
Bruttoinlandsprodukt pro Iiwohner	1.700 US-Dollar (134.)
Währig	1 Lari (GEL) = 100 Tetri
Unabhängigkeit	9. April 1991
Nationalhymne	Tawisupleba
Nationalfiirtig	26. Mai (Dag vo der Unabhängigkeit 26 Mai 1918)
Ziitzone	MEZ + 3
Kfz-Kennzeiche	GE
Internet-TLD	.ge
Vorwahl	+995

Georgie (georgisch საქართველო/Sakartwelo) isch ä Schdaat uf dr Südsiite vom Kaukasus östlig vom Schwarze Meer. Er wird im Norde vo Russland, im Süde vo der Türkei und Armenie und im Oschte vo Aserbaidschan begränzt.

Bevölkerig

Entwicklig vo der georgische Bevölkerig 1992 bis 2003

Georgie het öbbe 4,5 Millione Iiwohner (2006). Sit der Unabhängigkeit 1991 hai ä Million Mensche s Land verlo. Allei zwüsche 2000 und 2005 isch die georgischi Bevölkerig jöhrlig um öbbe 1% zruggange. D Ursach vo der ahaltende Uswanderigswelle isch der wirtschaftligi Abschdiig vom Land. Vor allem Iiwohner mit hochem Bildigsgrad, wo Arbetsblätz zerschd in andere Schdaate vo der GUS – schböter au in Weschdeuropa und de USA – hai chönne finde, hai Georgie verlo. Die gröscht georgisch Gmeinschaft usserhalb vom Land exischtiert in Moskau, noch russische Agobe rund 300.000 Mensche.

Bis zum Zweite Wältchrieg isch Georgie es landwirtschaftlig brägts Land gsi. Der dütsch Politiker Karl Kautsky het Georgie 1921 ä sozialdemokratischi Buurerepublik gnennt. Mit der Industrialisierung, wo vom Stalin verfüegt worden isch, si immer meh Lüt in die grosse Schdedt zoge. Hüt läbe 52 % vo de Iiwohner in de stedtische Balligsgebiete, 48 % in Dörfer und ländlige Gebiete.

Bürgerchrieg z Abchasie und Südossetie hai drzue gfüehrt, ass öbbe 250.000 Lüt us ihrer Heimet gflüchdet oder vertribe worde si. Georgie het 2004 rund 230.000 Vertribene us Abchasie und 12.200 us Südossetie ufgnoo. Drzue chömme öbbe 3.000 Flüchtling us Tschetschenie.

Externi Sitte

• www.prsheet.com Fernsehnoochrichte us Georgie
• Allgeo.org – Informatione über Geogrie uf Düttsch, Änglisch, Georgisch un Russisch