Volpe

Volpe rosa

Stato de conservasion

Baso ris-cio (lc)

Clasificasion sientìfega

Phylum: Chordata Clase: Mammalia Órdene: Carnivora Fameja: Canidae Tribù: Vulpini Gènare: Vulpes Spece: V. vulpes

Nomenclatura binomiałe

Vulpes vulpes Linnaeus, 1758

Areale

Ła volpe rosa (dita anca bolpe rosa; Vulpes vulpes Linnaeus, 1758) la xe un mamìfero carnivoro apartenente ała fameja dei Canidae.

Distribusiòn

Ła volpe rosa ła se trova 'ntel' emisfero boreałe. Xe presente anca in Australia, dove xe sta introdota 'ntel' fine del XIX secoło. In Itałia, xe difusa in tutta ła penisoła e in Siciłia, mentre ła sotospecie Vulpes vulpes ichnusae xe tipica deła Sardignia e Còrsega.

Descrisiòn

Ła volpe xe lunga dai 75 ai 140 cm e ła pesa dai 3 ai 11 kg; ła pol vivere fin a 12 ani. El cołore, ke'l xe speso rosicio, va dal gialo al maròn. Ła gola, ła pansa e ła punta deła coa la xe bianche; quest'ultima xe longa e folta. El muso xe alungà e le orecie le xe triangolari. Ła xe giocherełona come i so picołi e molto furba.

Alimentasiòn

El so magnar preferito xe el conejo e i roditori, ma anca i osèi i fa parte deła so dieta; ła magna anca inseti, bisoi, fruta, bache, animałi morti e finanke pesi. Ła cacia al całare deła note o al'alba e ła usa vari modi a seconda deła preda.

Gałeria de imagini

• 
• 
• 

  Varietà arxentada