Athina

Athina Kelk imaji de Athina. Lando Grekia Latitudo 37º 58' N Longitudo 23º 43' E Altitudo 70-338 metri Surfaco 39 km² Habitanti 745 514 (2001) Denseso di habitantaro 19 116 hab./km² Horala zono UTC+ 2 Urbestro Nikitas Kaklamanis Reto: http://www.cityofathens.gr Mapo

Athina esas chef-urbo di Grekia. Lua totala lojanti esis 2,005,514 personi ye 2001. Lua totala surfaco esas 38 km².

Tradicionale nomizita pro deino Athena, protektero di Greka urbi. Ma la nomo forsan devenas de pre-Greka vorto signifikante 'kolino'.

Historio

Akropolo, en centrala Athina.

La maxim anciena restaji de homala prezenteso en la regiono di nuna Athina datizas inter la 11ma e la 7ma yarcento aK. Por historiisti, klasika Grekia komencis en la 5ma yarcento aK. Ante dum l'Arkaik Epoko (cirkum 750 aK til 500 aK), Greka kulturo sufris influi de Ancien Egiptia, de Feniciana, e de Sirio-Hitita kulturi.

Dum la klasik epoko, Greka arto developis multe. La Partenon, templo en homajo a Athena, esis konstruktita dum ta epoko (447 til 442 aK). Kande Macedona rejo Alexandros la Magna expansis lia imperio tra Azia, komencis la Helenist epoko, qua lastis de 323 til 146 aK, kande Roman imperio konquestis Grekia e lua kolonii.

Kande Roman imperio esis dividita en du, Athina divenis parto di Orientala Roman Imperio, pos Bizancana Imperio til la konquesto da Otoman imperio en 1458. Otomana dominacajo lastis til komenco di 19ma yarcento kande Grekia divenis nove nedependanta e Athina divenis chef-urbo di lando.

Athina esis sideyo di du Olimpiala Ludi de Modern-Epoko: ye 1896 ed ye 2004.

La portuo di Pireo.