An Mholdóiv

Republica Moldova
Poblacht na Moldóive

Bratach Armas
Mana: Limba noastră-i o comoară Is luachmhar leis ár dteanga
Amhrán náisiúnta: Limba noastră Ár dTeanga
Príomhchathair	Chişinău 47°0′ Thuaidh 28°55′ Thoir
An chathair is mó	An Phríomhchathair
Teangacha oifigiúla	Moldóivis (Rómáinis)
Rialtas Uachtarán Príomhaire	Poblacht Nicolae Timofti (gníomhach) Iurie Leancă
Neamhspleáchas ón Aontas Sóivéadach	25 Nollag 1991
Achar  • San iomlán  • Uisce (%)	33,843 km² (139ú) 1.4
Daonra  • Meas. ó 2007  • Daonáireamh 2004  • Dlús	4,320,490 (121ú) 3,383,332 111/km² (-)
OTI (PCC)  • San iomlán  • An duine	Meas. ó 2007 $9.367 billiún (141ú) $9,367 (141ú)
Airgeadra	leu na Moldóive (MDL)
Crios ama  • Samhradh (CSL)	+2 (UTC) +3 (UTC)
Fearann Idirlín	.md
Glaochód	+373

Tír san Eoraip is ea Poblacht na Moldóive (Rómáinis: Moldova) atá suite idir an Rómáin agus an Úcráin. Is í Císineá príomhchathair na tíre seo. Labhraíonn formhór na ndaoine Moldóivis, teanga atá an-chosúil leis an Rómáinis - le fírinne deir na teangeolaithe nach bhfuil ann ach canúint de chuid na teanga sin. Is í an Rúisis an dara teanga oifigiúil sa tír. Bhain an tír a neamhspleáchas amach sa bhliain 1991 ón Aontas Sóivéadach.

Sa bhreis ar an Moldóivis (Rómáinis), labhraítear Rúisis, Úcráinis agus Gagásais sa tír. Teanga bheag Tuircice í an Ghagásais agus í an-chosúil le Tuircis na Tuirce féin.

Níl rialtas na Moldóive in ann a chumhacht a chur i bhfeidhm ar iomlán na dtailte a bhaineann leis an tír de réir an aitheantais idirnáisiúnta. Lucht labhartha Rúisise agus Úcráinise is mó a chónaíonn sna críocha thoir, nach raibh sásta fanacht faoi chumhacht an rialtais Mholdóvaigh nuair a tháinig an chuma ar an scéal go raibh an tír ag lorg neamhspleáchais. Ina áit sin, bhunaigh siad stát dá gcuid féin, Poblacht na Tras-Dnístire. Ní bhfuair an "phoblacht" seo aitheantas ach ón Rúis agus ó chúpla réigiún cathach eile sna poblachtaí iar-Shóivéadacha.