Nepal
संघीय लोकतान्त्रिक गणतन्त्र नेपाल Sanghiya Loktāntrik Ganatantra Nepāl'' |
|
Fáni | Skjaldarmerki |
Kjörorð: „Móður- og föðurland er meira virði en himnaríki“ |
|
Þjóðsöngur: Sayaun Thunga Phool Ka |
|
Höfuðborg | Katmandú |
Opinbert tungumál | nepalska |
Stjórnarfar
Skipaður forseti/forsætisráðherra
|
Lýðveldi Girija Prasad Koirala |
Flatarmál - Samtals - Vatn (%) |
93. sæti 147.181 km² 2,8 |
Mannfjöldi - Samtals (2012) - Þéttleiki byggðar |
40. sæti 26.494.504 180/km² |
VLF (KMJ) - Samtals - á mann |
áætl. 2005 39,14 millj. dala (87. sæti) 1.675 dalir (153. sæti) |
Gjaldmiðill | Nepölsk rúpía (NPR) |
Tímabelti | UTC+w2 |
Þjóðarlén | .np |
Landsnúmer | 977 |
Sambandslýðveldið Nepal er í Himalajafjöllum milli Kína (Tíbet) og Indlands. Það var lengi vel eina konungsríki hindúa í heiminum en konungsveldið var afnumið af nepalska þinginu 28. maí 2008.
Nepal er landlukt land sem einkennist af háum fjallstindum í norðri og hásléttu í suðri. Landamæri Nepals í norðri liggja að Kína en í suðri, austri og vestri að Indlandi. Hæsti tindur veraldar er staðsettur á landamærum Nepals og Kína.
Suðurhluti Nepals er frjósamur til ræktunar og þar er mjög þéttbýlt. Mikil rigning er í Nepal, sérstaklega þegar monsún-rigningarnar skella á Himalajafjöllunum.
Nepal er 147.181 ferkílómetrar að stærð og fólksfjöldi þar er um 30 milljónir. Meirihluti íbúa í Nepal eru hindúar en sögulega er landið tengt búddhisma. Nepal var einveldi í margar aldir og ríktu konungar af Shah ætt frá 1768 en þá sameinaði Prithvi Narayan Shah mörg minni konungsdæmi í eitt ríki. Áratuga borgarastríð leitt af kommúnistaflokki Nepals og nokkurra vikna fjöldamótmæli allra stjórnmálaflokka í Nepal urðu til þess að 22. nóvember 2005 var samþykkt samkomulag í tólf liðum sem var til þess að einveldi var lagt niður og lýðveldi stofnað 28. maí 2008. Fyrsti forseti Nepals Ram Baran Yadav tók við völdum 23. júlí 2008.
|