Нїмецько (офіціална назва Сполкова републіка Нїмецько, скорочіня СРН, нїмецькы: Bundesrepublik Deutschland, скорочіня BRD) є середоевропскый штат. На севері сусїдить з Даньском, омывать го Северне море і Балтіцьке море, на выходї сусїдить з Польском і Ческов републіков, на югу з Ракуском і Швайцаріёв і на западї з Франціёв, Луксембурском, Белґіов і Голандіов. Розлога Нїмецька є 357 021 км2, причім земля штату ся находить в мірнїм пасми клімату. Нїмецько мать через 82 міліонів жытелїв, што з нёго робить найлюднатїшый штат Европской унії. Нїмецько є домовом третёй найвекшой популації іміґрантів на світї.
