Noord-Amerika

Noord-Amerika

Oppervlakte	24 709 000 km²
Bevolking	528 720 588
Bevolkingsdigtheid	22,9 inwoners/km²
Lande	23
Tale	Engels, Spaans, Frans, Nahuatl, Mayathan en verskeie ander
Tydsones	UTC-10 (Verenigde State) tot UTC±0 (Groenland)

'n Satellietfoto van Noord-Amerika

'n Kaart wat Noord-Amerika vertoon

Noord-Amerika is 'n kontinent in die noordelike halfrond van die Aarde, wat byna uitsluitlik in die westelike hemisfeer lê. Dit word in die noorde begrens deur die Arktiese Oseaan, in die ooste deur die noordelike Atlantiese Oseaan, in die suidooste deur die Karibiese See en in die suide en weste deur die noordelike Stille Oseaan. Met 24 709 000 vierkante kilometer beslaan dit 4,8 persent van die aarde se oppervlak en is die derde grootste vasteland na Asië en Afrika.

Op die vasteland van Noord-Amerika lê drie groot lande (hier gerangskik volgens hulle landoppervlakte):

• Kanada,
  • met die Vancouver- en die Koningin-Charlotte-eilande langs die weskus; die Prins-Edward-Eiland, Newfoundland (Terre-Neuve) en Kaap-Breton-eiland langs die ooskus; en die Ellesmere-, Baffin- en Victoria-eilande langs die noordkus;

• die Verenigde State,
  • met die deelstaat Alaska en die Aleoetiese Eilande in die noordweste van die kontinent; en

• Meksiko.

In die uiterste suide lê Sentraal-Amerika, wat uit die volgende lande bestaan:

• Belize,
• Guatemala,
• Honduras,
• El Salvador,
• Nicaragua,
• Costa Rica en
• Panama.

In die uiterste suidooste van die kontinent lê die eilandgroep van die Antille. Indien 'n mens die Bahama-eilande insluit, word hulle ook die Karibiese eilande genoem. Hulle bestaan uit

• Aruba,
• die Bahamas-eilande,
• Curaçao,
• Kuba,
• die Kaaimanseilande,
• Haïti,
• die Dominikaanse Republiek,
• Dominica,
• Grenada,
• Guadeloupe,
• die Turks- en Caicos-eilande,
• die Britse Maagde-eilande,
• die Amerikaanse Maagde-eilande,
• Jamaika,
• Martinique,
• Montserrat,
• Puerto Rico,
• Saint-Martin,
• Sint Maarten,
• St. Kitts en Nevis,
• St. Vincent en die Grenadines,
• St. Lucia en
• Trinidad en Tobago.

In die Atlantiese Oseaan lê die

• Bermuda-eilande.

In die noorde van die kontinent lê die grootste eiland ter wêreld, Groenland. Alhoewel dit deel uitmaak van die Noord-Amerikaanse kontinent, is dit 'n selfregerende gebied van die Koninkryk Denemarke (Noord-Europa).

Langs die Kanadese ooskus lê die eilandgroep van Saint-Pierre en Miquelon, 'n Franse besitting.

Sien ook

• Vlae van Noord-Amerika

Gebiede van die Wêreld
Afrika Noord (Midde-Ooste)  · Suid van die Sahara (Sentraal · Suider · Wes · Oos) Amerikas Noord · (Noordelike · Middel · Sentraal · Karibiese Gebied) · Suid · Anglo · Latyns Asië Sentraal · Oos · Noord (Verre-Ooste) · Suid (Indiese subkontinent) · Suidoos · Suidwes (Midde-Ooste)  · Wes Europa Sentraal · Noord · Suid · Wes · Oos	Oseanië Australasië (Australië · Seeland) · Melanesië · Mikronesië · Polinesië Poolgebiede Arktika · Antarktika Oseane Wêreld · Arktiese · Atlantiese · Indiese · Stille · Suidelike Seë Oorsig van Seë
Sien ook Kontinente van die wêreld