Әлҗәзаир

Wikipedia — ирекле энциклопедия проектыннан
Моңа күчү: навигация, эзләү
Әлҗәзаир Халык Демократик Җөмһүрияте
гарәп. الجمهورية الجزائرية الديمقراطية الشعبية‎‎
Flag of Algeria.svg Әлҗәзаир Илтамгасы
Әлҗәзаир байрагы Әлҗәзаир Илтамгасы

Координатлар: 27°15′00″ т. к. 3°27′00″ кч. о. / 27.25000° т. к. 3.45000° кч. о. / 27.25000; 3.45000 (G) (O)

Location Algeria AU Africa.svg
Шигарь: ««من الشعب و للشعب»
(Кешеләрдән һәм кешеләргә)»
Ил көе: [[Әлҗәзаир гимны|««Kassaman»»]]
Бәйсезлек көне 1962 елның 5 июль5 июле (Франциядән)
Рәсми телләр {{{Телләр}}}
Башкала Әлҗәзаир
Зур шәһәрләр Әлҗәзаир, Константина, Оран, Батна
Идарә итү формасы президент-парламент җөмһүрияте
Президент
Әлҗәзаир
Габделгазиз Бүтәфлика
Әхмәд Үәхья
Мәйдан
• Барлыгы
Дөнья буенча 10 урында
2 381 740 км² км²
Халык
• Тикшерү (2009)
Тыгызлыгы

35 200 000 кеше (37-нч.)
14, 7 кеше/км²
Акча берәмлеге Әлҗәзаир динары

Әлҗәзаи́р (гарәп. الجزائر‎‎әл-җәза’ир, фр. Algérie), рәсми атама Әлҗәзаи́р Халы́к Демократи́к Җөмһүрия́те (гарәп. الجمهورية الجزائرية الديمقراطية الشعبية‎‎әл-җөмһүриййә әл-җәза’ириййә әд-димуқратиййә әш-шә‘биййә[1], фр. République Algérienne Démocratique et Populaire) — Төньяк Африкада, Урта диңгез бассейнының көнбатыш өлешендә урнашкан дәүләт, Африканың иң зур иле. Әлҗәзаир көнбатышта Марокко, көньяк-көнбатышта Мавритания һәм Мали, көньяк-көнчыгышта Нигер һәм көнчыгышта Либия һәм Тунис белән чиктәш. Дәүләт җирләренең шактый зур өлеше Сахра чүлендә ята. Башкаласы – Әлҗәзаир шәһәре.

XVI гасырдан XVIII гасыргача Әлҗәзаир Госманлы империясенә керә. XIX гасыр башында француз колонизациясе башлана. 1954 елда Әлҗәзаирдә Милли азатлык фронты оештырыла. Француз колониаль гаскәрләренә каршы бик күп кан коелган сугыш нәтиҗәләре буенча Әлҗәзаир 1962 елда бәйсез социалистик дәүләт буларак төзелә. 1980-еллар ахырында дөньяви хакимият һәм исламчылар арасында каршылыклар гражданнар сугышына әйләнә. Сугыш ислам кадимчеләрен тар-мар итеп тәмамлана.

Халкы[үзгәртү | вики-текстны үзгәртү]

Төп мәкалә: Әлҗәзаир халкы

2009 елга Әлҗәзаирда 39 млннан артык кеше яши дип санала. Илнең төп халкы — гарәпләр һәм бәрбәрләрдән торган әлҗәзаирлеләр. Яр буе полосасында һәм тау үзәннәрендә халык аеруча тыгыз утырган. Биредә илдәге халыкның 90 % тан артыграгы яши.

Табигате[үзгәртү | вики-текстны үзгәртү]

Төньяктан көньякка таба еракка сузылганга күрә, Алжирны Төньяк Алжир һәм Алжир Сахарасына бүлеп йөртәләр. Төньяк Алжир каты яфраклы мәңге яшел урманнар һәм куаклыклар зонасын алып тора, аңа Атлас тауларының төньяк өлеше һәм аның тирәсендәге яр буе тигезлеге дә керә. Бу зонада җылылык һәм дым җитәрлек. Шунлыктан Төньяк Алжирның бу өлешенең табигый шартлары яшәү өчен һәм авыл хуҗалыгы өчен уңайлы.

Яр буендагы уңдырышлы туфракларда алжирлылар кыйммәтле субтропик культуралар — йөзем, цитруслар, майлы үсемлекләр (зәйтүн), җимеш агачлары һ. б. үстерәләр. Алжирның субтропикларындагы табигый үсемлекләр кеше эшчәнлеге нәтиҗәсендә зур зыян күргән һәм тауларның текә битләрендә генә сакланып калган. Элек кисеп бетерелгән урманнар урынын куаклыклар һәм тәбәнәк буйлы агачлар алган.

Атлас тауларының матурлыгы таң калдыра. Биек тау сыртлары очлы түбәләр һәм текә кыялар белән тәмамлана. Тирән тарлавыклар һәм матур үзәннәр белән кискәләнгән тау массивлары тау арасы тигезлекләре белән чиратлаша. Тауларында биеклек пояслары ачык беленеп тора. Атлас тауларының көньяк битләре — Урта диңгез буйларыннан Сахарага күчү ул.

Илнең күпчелек өлешен Сахараның ташлы һәм комлы чүлләре били. Чүлләр территориянең 90 % ка якынын тәшкил итә.

Кешенең хуҗалык эшчәнлеге нәтиҗәсендә, аеруча колонизаторлар хакимлек иткән чорда, Алжир табигате нык зыян күргән. Илдән фосфоритлар, металлар, кыйммәтле агачлар, мәсәлән бөке имәне чыгарганнар. Алжирлылар субтропик зонада урман үсемлекләрен торгызуга һәм илнең чүлле өлкәләрендә урман полосалары утыртуга зур игътибар бирәләр. Алжирда «яшел пояс» барлыкка китерү проекты эшләнгән, бу проект буенча урман полосасы Тунис чигеннән алып Марокко чигенә кадәр чүлне кисеп үтәчәк. Аның озынлыгы якынча 1500 км, киңлеге 10—12 км.

Икътисады[үзгәртү | вики-текстны үзгәртү]

Алжир — Африканың файдалы казылмаларга иң бай илләреннән берсе. Анда тимер рудасы, марганец, фосфоритлар һәм башка файдалы казылмаларның запаслары шактый зур. Төп байлык — сахараның утырма токымнарында табылган бик зур нефть һәм газ чыганаклары. Аларны үзләштерүгә бәйле рәвештә, чүлдә эшче-горняклар һәм геологлар яши торган заманча поселоклар барлыкка килде. Зур шәһәрләр арасында юллар салынган, нефть үткәргечләр, нефть эшкәртү һәм металл эретү заводлары һ. б. төзелә.

Чүлдә алжирлылар күбесенчә терлекчелек белән шөгыльләнәләр һәм күчмә яисә ярым күчмә тормыш алып баралар. Алар сарык, кәҗә һәм дөя үрчетәләр. Алжир Сахарасында игенчелек белән оазисларда гына шөгыльләнергә мөмкин, анда хөрмә пальмалары, ә аларның куе ябалдашлары астында җимеш агачлары һәм бөртекле культуралар үстерәләр. Алжирлылар кичерә торган кыенлыкларның берсе — күчеп йөри торган ком өемнәре белән көрәш.

Бәйсезлек игълан ителгәннән соң, Алжир үз сәнәгате үсешендә шактый зур уңышларга ирешә.

Дәүләт һимны[үзгәртү | вики-текстны үзгәртү]

(беренче куплеты)

قسماً

قسماً بالنازلات الماحقات

و١لدمء ١لڒ١كڍات الطاهرات

و البنود ال لامعات الخافقات

فى الجبال الشامحات الشاهقات

نحن ثرنا فحياۃ او معات

وعقدنا العزم ان تحيا الجزاير

فا شهدو! فا شهدو! فا شهدو!


Транскрипциясе:

Qәssәmәn

Qәssәmәn binnәәzilәәtil-maaxiqәәt

Wәddimaa’iz-zәkiyәtiŧ-ŧaahirәәt

Wәlbunuudil-lәәmiģaatil-χaafiqәәt

Filčibәәliş-şәәmiχaatiş-şәәxiqәәt

Nәxnү θurnәә fәxәyәәtүn әw mәğәәt

Wә ğәqәdnәl- ğәzmә_әn tәxyәl-Čәza’ir

Fәşhәdү! Fәşhәdү! Fәşhәdү!


Беренче куплетның җырланышлы тәрҗемәсе:

Ант итәбез!

Барысын да юк итүче яшен белән,

Без түккән кан һәм керсез күз яше белән,

Таулар өстендәге бөек, шанлы вә мәгърур,

Күктә җилфердәгән байрак төсе белән –

Ант итәбез, Әлҗәзаир яшәр, дип,

Ант итәбез, Әлҗәзаир яшәр, дип,

Ант итәбез, Әлҗәзаир яшәр, дип,

Ант итәбез, Әлҗәзаир яшәр, дип,

Һәркем, кабат яшәү яки үлү өчен,

Һәркем, кабат яшәү яки үлү өчен,

Каберләрдән торып, сафка басар, дип,

Каберләрдән торып, сафка басар, дип. –

Фәшһәдү! Фәшһәдү! Фәшһәдү! 

Искәрмәләр[үзгәртү | вики-текстны үзгәртү]

  1. Җөмһүриять — республика; җәзаир — җәзирәнең күп.; җәзирә — атау, утрау; шәгыб — төркем, җәмәгать, кабилә, халык. — Гарәпчә-татарча-русча алынмалар сүзлеге: татар әдәбиятында кулланылган гарәп һәм фарсы сүзләре / К.З. Хәмзин, М.И. Мәхмүтов, Г.Ш. Сәйфуллин. — Казан: Тат. кит. нәшр., 1965. — 792 б.



Искәрмәләр[үзгәртү]

* Сүриянең әгъза булуы 2012 елда туктатылды.