Est-Germania
Deutsche Demokratische Republik
|
Demokratiala Republiko di Germania (en Germana, Deutsche Demokratische Republik, abreviuro DDR), anke konocita kom Est-Germania esis lando qua jacis en centrala Europa. Lua vicina landi esis:
- en esto, Polonia,
- en sudo, Chekoslovakia,
- en sud-westo ed en westo, West-Germania.
En nordo, ol havis litoro en Baltika Maro.
Bazala fakti pri Demokratiala Republiko di Germania.
Historio[redaktar | edit source]
Dum Yalta e Potsdam konferi, Sovietia, Usa, Unionita Rejio e Francia akordigis komune administrar Germania til restauro di lua suvereneso. Sovietiana zono di okupeso inkuzis kin Germana stati: Mecklenburg-Westa Pomerania, Brandenburg, Saxonia, Saxonia-Anhalt e Turingia.
Kande westala regioni de anciena nacional-socialista Germania, okupita da westala federiti (Usa, Unionita Rejio e Francia) unionis su por konstitucar West-Germania, Est-Germania kreesis en respondo, en 1949. Wilhelm Pieck divenis l'unesma prezidanto di Est-Germania.
En 16 di junio 1953 Est-Germana laboristi qui konstruktis l'avenuo Stalinallee revoltis kontre l'augmento di la quoto di laboro. La revolto expansis tra altra urbi la sequanta dio, ed en poka dii cirkum 1 milion personi strikis en 700 urbi ed urbeti. Sovietian armeo e Est-Germana polico represis la revolti. Cirkum 50 personi mortis e 10,000 esis enkarcerigita.
Dum la nokto de 12 til 13 di agosto 1961 on konstruktis Berlin-murego por atemptar evitar la fugi vers West-Berlin.
En 1990 lando desaparis, pos la riunigo di Germania.
Politiko[redaktar | edit source]
Demokratiala Republiko di Germania, anke konocita kom Est-Germania esis komunista republiko.Lua unesma chefo di stato, kun la titulo "prezidanto" esis Wilhelm Pieck. Pos la morto di Pieck, la titulo di la chefi di stato divenis "chefo di la konsilantaro di stato" - l'unesma esis Walter Ulbricht. La chefo di guvernerio esis la chefministro, unesme Otto Grotewohl. Komunista Partiso esis la precipua partiso di lando.
La parlamento havis unika chambro, la Volkskammer, kun 400 membri.
Geografio[redaktar | edit source]
La maxim grand urbo di lando esis Est-Berlin. Altra importanta urbi esis Karl-Marx-Stadt, Potsdam e Rostock.