Tian Shan
Tian Shan edo Tian mendiak[1] mendilerroa (txineraz 天山, pinyinez Tiān Shān, mendi zerutiarrak) Asia Erdialdean kokatua dago, Kazakhstan, Kirgizistan eta Txinako Xinjiang Eskualde Autonomo uigurraren artean.
Mendi hauek Zenozoiko aroan India eta Eurasiako plaken artean gertatu zen talkaren ondorioz sortu zen Himalaya mendilerroaren gerrikoaren zati dira.
Mendirik garaiena Jengish Chokusu mendia da, Pobeda mendia eta Victoria mendia bezala ere ezagutzen dena, 7.439 metroko garaierarekin, Kirgizistaneko mendirik garaiena ere badena, Txinarekin duen mugatik gertu kokatua. Bigarren garaiena Khan Tengri mendia da (tatareraz eta mongolieraz "Izpirituen jauna"), 7.010 metroko garaierarekin, Kazakhstan eta Kirgizistan arteko mugan kokatua.
Torugart pasabidea, 3.752 metroko garaieran, Kirgizistan eta Txinako Xinjiang Eskualde autonomoaren arteko mugan dago. Mendilerro honetan jaiotzen diren ibairik nagusienak Sir Daria eta Tarim ibaia dira.
Tian Shan mendilerroko zati batean hizkuntza altaikoen familiako hizkuntza turkikoen taldeko hizkuntza bat hitz-egiten duten artzain-tribuak bizi dira.
Ohikoa da baita ere Tien-Shan bezala idaztea, txineraz ahoskera klasikoa Tian Shan den arren.
Erreferentziak[aldatu | aldatu iturburu kodea]
 |
Wikimedia Commonsen badira fitxategi gehiago, gai hau dutenak: Tian Shan  |
- ↑ Euskaltzaindia (2012-06-29), 171. araua: Asiako toponimia, http://www.euskaltzaindia.net/dok/arauak/Araua_0171.pdf. Noiz kontsultatua: 2013-02-11.
