Ioannes Gigurtu

Ioannes Gigurtu

Ioannes (Dacoromanice: Ion) Gigurtu (natus die 24 Iunii 1886 in oppido Turnu Severin, mortuus die 24 Novembris 1959 in Râmnicu Sărat) vir publicus, miles atque moderator societatum Dacoromanicus erat.

Munus

Gigurtu post scholam finitam in Germania iter fecit, ut artem metallicam edisceret. Annis 1912 - 1916 inspector metallorum administerii Dacoromanici industriae atque technologiae erat. Anno 1913 Bello Balcanico Secundo interfuit et - tum centurio - annis 1916 - 1918 Bello Orbis Terrarum I. Post bellum ad usque annum 1944 finitum moderator societatum metallorum et argentarius erat.

Vir publicus

Anno 1926/27 legatus ad parlamentum fuit. His annis varias factiones pecunia adiuvabat. Anno 1932 sodalis factionis agricolarum factus est et anno 1937/38 administer industriae atque commercii erat. A mense Novembri 1939 ad usque Iunio 1940 administer communicationis, deinde ad usque finem Iunii eiusdem anni Administer rerum exterarum fuit. Die 28 Iunii Romania ab Unione Sovietica coacta est, ut Bessarabiam et Bucovinam traderet. Die 4 Iulii 1940 primus minister a rege Carolo II nominatus est. Die 30 Augusti Germania urgente Romania etiam Transsilvaniam septentrionalem Hungariae et die 7 Septembris urgente Italia Scythiam Minorem Bulgariae cedere debuit. Gigurtu iam die 4 Septembris propter hanc cladem acceptam se a magistratu recessit. Eodem tempore etiam rex Carolus abdicavit et Michael eius successor nominatus est. Successor Gigurtu Ioannes Antonescu factus est.

Ultimi anni

Gigurtu in Romania mansit, societates mercatorias suas rexit et, postquam Michael foedus cum Germania die 23 Augusti 1944 finivit et foedus cum Unione Sovietica fecit, mense Octobris 1944 primo incarceratus est. Nonnumquam liberatus anno 1950 a communistis iterum captus et sine iudicio ad annum 1956 in carcere retentus est. Anno 1959 in captivitate mortuus est.

Nexus externi

Vicimedia Communia plura habent quae ad Ioanne Gigurtu spectant.

Notae

Primi ministri Romaniae

 

Administri Rerum Exterarum Romaniae