Brunei

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

---

Broenai
Basisgegaevens
Officieel taal	Maleis
Hoofsjtad	Bandar Seri Begawan
Sjtaotsvörm	Absolute Monarchie
Sjtaotshoof	Hassanal Bolkiah (sinds 1967)
[[{{{titelhoofregering}}}]]	{{{naomhoofregering}}}
[[{{{titelhoofregering1}}}]]	{{{naomhoofregering1}}}
[[{{{titelhoofregering2}}}]]	{{{naomhoofregering2}}}
[[{{{titelhoofregering3}}}]]	{{{naomhoofregering3}}}
Religie	{{{religie}}}
Opperflaakde – % water	5.765 km² 8,6%
Inwoeners – Deechde:	383.990 65/km²
Biekómmende gegaeves
Munteinheid	Broenaisen dollar (BRD)
Tiedzaone	UTC +8
Nationale fiesdaag	1 januari
Vouksleed	Allah Peliharakan Sultan
Web | Code | Tel.	.bn | BRN | +673

Broenai (officieel برني دارالسلام, Negara Brunei Darussalam) is e klein land op Borneo, umslote door Maleis gebeed. 't Besteit oet twie gebejer die zjus neet aonein grenze meh door e corridor vaan Maleis groondgebed vaanein gesjeie weure. Hoofstad is Bandar Seri Begawn, ander stei zien Bangar, Seria en Sukang. De sultan vaan Broenai behuurt tot de riekste lui vaan de wereld.

Bestuurleke indeiling

Broenai is ingedeild in veer distrikte (daerah). Ze heite:

• Belait
• Broenai en Muara
• Temburong
• Tutong

Demografie

Oongeveer twiedaarde vaan de bevolking is vaan Maleisen orizjien en sprik Maleis. E bezoonderheid vaan 't Broenais Maleis is tot 't nog ummer in 't Arabisch sjrif gesjreve weurt. Vaan de res is e good deil Sjinees of Europees. De Maleisiërs beoefene d'n islam, de Sjineze veural 't boeddhisme.

Historie

't Huideg sultanaat Broenai zouw zien veurgegaange door e riek, wat in Sjinese historiesjrifte Po-ni geneump weurt. Nao herhaoldelek door ander machte oonderworpe te zien, o.a. door 't Riek vaan Madjapit, oontstoont in de veertiende iew dit sultanaat es apaarte staot. 't Begós daonao aon 'ne bleujtied, en op 't huugdepunt regeerde de sultan euver gans Borneo en zelfs euver de zuideleke Filipiene (die noe nog islamitisch zien), meh nao sultan Hassan kaom 't verval drin, zoewel door intern twiste es door de touwnummenden invlood vaan de Portugeze, Spanjaarde, Nederlanders en Ingelse in 't gebeed. In de negentiende iew mós de sultan ummer mier acceptere tot ziene mach beperk woort, en in 1888 woort Broenai e Brits protectoraat. Ouch mós 't land acceptere tot d'n umvaank tot e minimum beperk woort. In 1906 stelde de Britte zelfs 'nen adviseur aon, dee al zake boete de traditioneel en religieuze kwesties veur de sultan beslisde. In 1959 woort Broenai weer 'n souverein staot. In deen tied kaom vaanoet Maleisië de pressie um Broenai es e deil vaan dat land op te numme; de sultan weigerde oeteindelek. Vaanaof 1984 woort de defensie, die tot daan touw in han vaan de Britte gebleve waor, ouch 'n staotszaak en woort 't land gaans oonaofhenkelek. Nao d'n oorlog woort Broenai ein vaan de riekste len oet de regio, meh geinen ikkenomischen tieger wie Singapore of Hong Kong, mier 'n oliestaot nao Arabisch model.