ობჟათე კორეა

ობჟათე კორეა — სახენწჷფო ბჟაეიოლ აზიას. იდვალუაფუ კორეაშ ჩქონს.

ჯოხოდვალა

• ოფიციალური: კორეაშ რესპუბლიკა.
• კორეული: Taehan Minguk.
• ქიანაშ კოდი: KR.

გეოგრაფია

ქიანა იდვალუაფუ ბჟაეიოლ აზიას. უკინებუ კორეაშ ჩქონიშ ობჟათე ნორთი. მოთანჯე ქიანა რე ოორუე კორეა.

• ფართობი: 98.500 კვ.კმ.
• ორთა: უმაღალაში კონკა - ჰალსანი 1.950; წყარმალუ (კმ) - ნაკტონგ-განგი 520; ტობა - ჩუნგჯუ-ჰო; კოკი (კვ.კმ) - ჩეჯუდო 1.830; კლიმატი - ზომიერი.
• ორთაშობური რესურსეფი: ქუანოშქერი, ვოლფრამი, გრაფიტი, მოლიბდენი, ტყვია, ჰიდროენერგეტიკული რესურსეფი.

სახენწფო

• სახენწჷფო სისტემა: რესპუბლიკა.
• სახენწჷფო მადუდე: პრეზიდენტი RO Muh-hyun (2003).
• კანონიშდუმადვალუ ორგანო: ართპალატამი პარლამენტი (273 მაკათური).
• ადმინისტრაციული დორთუალა: ქიანაშ ადმინისტრაციულ-ტერიტორიული ართურეფიე - 9 პროვინცია (do) დო 7 ნოღა (gwangyoksi).

დემოგრაფია

• 'მახორობა: 48,3 მლნ (2003), თინეფ შქას 99,8% კორეალეფი.
• ნინეფი: კორეული, ინგლისური.
• რელიგია: ბუდიზმი, კონფუციანელობა, ქირსიანობა.
• ნოღეფი (ვითოში) : სეული (9.630; აგლომ. 19.969), პუსანი (3.505; აგლომ. 4.298), ტეგუ (2.370), ინჩხონი (2.480).

ეკონომიკა

• ერუანული პროდუქტი: მოცულობა - 485 მლრდ $ (მა-11 აბანი); 1 შურშე - 10.550 $; სტრუქტურა (%) - ოფუტეშ მეურნობა 6, რეწუალა 43, მოინალაფა 51.
• ექსპორტი: ომანქანე-ოტრანსპორტე მონწყილობეფი, საფეიქარო ნაწარმი, ელექტრო მეკონი.
• ბიუჯეტი: 118,100 მლნ $.
• ვალუტა: ობჟათეკორეული ვონი (KRW).
• კომპანიეფი: დეუ ელექტრონიკსი, სამსუნგი, ჰიუნდაი, კია მოტორსი.

ისტორია

გჷმიცხადჷ რესპუბლიკათ 1948 წანას. 1951-ს მიშეჭკირუ ოორუე კორეა, კორეაშ ლჷმა მუზმარენ წანას იგინძორებუდჷ. 1961 დო 1980 წანეფს იხორციალჷ ოურდუმე გინორთინაფეფქ. 1991 წანას ოორუე კორეაწკჷმა ხექ მიჭარინჷ უგუნთხაფალაშ აქტიშა. 1992 წანაშე გოართოიანაფილი ერეფიშ ორგანიზაციაშ მაკათური რე. 2000 წანაშე ქჷდიჭყჷ „დოტიბაფაშ პერიოდიქ“ ჟირ ქიანას შქას.

მონძალა

• სეული - კორეული ხელუანობაშ ერუანული მუზეუმი, გუნბოკიშ, კუნბოკიშ, დაკსუშ დოხორეეფი;
• ჩონჯუ - ოხვამე-პაგოდა პონჩუ-სა;
• ჩენჯუ - ლიშ დინასტიაშ დჷმარცხუაფალიშ აკარდამა.

რესურსეფი ინტერნეტის

• კორეაშ რესპუბლიკაშ ოფიციალური ვებ-ხასჷლა (Korea.net)
• კორეაშ ოფიციალური ტურისტული ხასჷლა
• კორეაშ ნაციონალური სტატისტიკაშ ოფისი
• Video on South Korea-US Relations from the Dean Peter Krogh Foreign Affairs Digital Archives