Tuddsa n Yeɣlanen Yeddukklen

Tuddsa n Yeɣlanen Yedduklen (neɣ Iɣlanen Yeddukklen, Lejnas Yeddukklen), d tuddsa tagraɣlant ay iqeddcen i lmend n wemɛawen gar tmura deg yinurar n lqanun, n laman, n tdamsa, n tmetti, n yizerfan n wemdan akked lebni n talwit deg umaḍal. Tuddsa-a sbedden-tt-id deg 1945, asmi ay ifuk Wemgaru Amaḍlan Wis Sin, deg wemkan n Temɣunt n Yeɣlanen, i lmend n weḥbas n yimenɣi gar tmura. Ass-a, llant 192 n tmura ay yettekkan deg Tuddsa n Yeɣlanen Yeddukklen. Tuddsa-a tesɛa daɣen aṭas n tuddsiwin ay yeqqnen ɣer-s, yal yiwet tqeddec deg wenrar-nnes. Axxam n Yeɣlanen Yeddukklen yezga-d deg temdint n New York, deg Yiwunak Yeddukklen.