فرانسیسی

وکیپیڈیا توں
جاؤ: پاندھ, کھوج
فرانسیسی/فرینچ
Français
New-Map-Francophone World.PNG
بولن والے دیس: فرانس، بیلجیم، سویٹزرلینڈ کینیڈا
بولن والے: 20 کروڑ لوک
بولی ٹبر: ہند یورپی بولیاں
لپی: رومن
دنیا چ نمبر: 14 واں

فرانسیسی اک رومن بولی اے جینوں 13 کروڑ دے نیڑے لوک پہلی بولی لئی ورتدے نیں۔ 20 کروڑ دے نیڑے لوک اینوں پہلی یا دوجی بولی لئی ورتدے نیں۔ 11 کروڑ دے نیڑے لوک اینوں دوجی یا تیجی بولی لئی ورتدے نیں۔ فرانسیسی بولن والے لوک 57 دیساں تے تھاواں چ پھیلے ہوۓ نیں۔

‎فرانسیسی نوں ماں بولی بولن والیاں دی چوکھی گنتی تے فرانس چ ای اے پر کینیڈا دے صوبیاں کیوبک نیو برونسوک اونٹاریو تے بیلجیم سویٹزرلینڈ لکسمبرگ تے امریکہ دی کج پاسیاں ایدے بولن والے ہیگے نیں۔ دوجی بولی لئی فرانسیسی نوں ورتن والیاں دی وڈی ٹولی افریقہ چ وسدی اے اے وی کیا گیا اے جے فرانس توں چوکھے فرانسیسی بولن والے افریقہ چ نیں۔

فرانسیسی بولی لاطینی چوں بنی اے جدوں اے رومن سلطنت دا اک انگ سی تے اے اینچ دوجیاں رومن بولیاں پرتگیزی ہسپانوی کیٹلونی تے اطالوی نال رلدی اے۔

Knowledge of French EU map.svg

فرانسیسی 29 دیساں دی سرکاری بولی اے ایناں نوں فرانکوفون وی کیا جاندا اے۔ فرانسیسی یونائیثڈ نیشنز دی سرکاری بولی اے۔ یورپی جٹ چ 129 ملین لوک جیہڑے یونین دے 27 دیساں چ وسدے نیں (یا جٹ دے 26٪ لوک) ایہ بولی بولدے نیں۔ ایناں چوں 65 ملین دی اے ماں بولی تے 69 ملین دی اے دوجی یا بدیسی بولی اے۔ اینج اے انگریزی تے جرمن دے مگروں جٹ دی تیجی وڈی بولی اے۔ جٹ دے 20٪ لوک جیہڑے فرانکوفون نیں پر اوہ فرانسیسی بولنا جاندے نیں تے ایناں دی گنتی 145 ملین دے نیڑے اے۔

17ویں تے 20ویں صدی دے وشکار فرانسیسی سیاست ڈپلومیسی دیسی دے آپسی جوڑ دی بولی رئی اے۔ ایدی ایس حیثیت نوں ہن آ کے انکریزی نیں پچھے کیتا اے۔ فرانسیسی انگریزی نال ایسی بولی اے جیہڑی پنجے براعظماں چ بولی جاندی اے۔

سویٹزرلینڈ[لکھو]

فرانسیسی، جرمن اطالوی تے رومانش بولیاں نال سویٹزرلیند دیاں چار سرکاری بولیاں چوں اک اے۔ اے سویٹزرلینڈ دے لیندے پاسے چ بولی جاندی اے ایدا وڈا شہر جنیوا اے۔ فرانسیسی 20٪ لوکاں دی ماں بولی اے تے اینون 50٪ دے نیڑے لوک بولدے نیں۔ فرانس تے سویٹزرلیند دی فرانسیسی آپس چ رلدی اے۔

بیلجیم[لکھو]

بیلحیم چ ویلونیا دے پاسے کج چرھدے پاسے دیاں کنٹناں نوں چھڈ کے دی سرکاری بولی فرانسیسی اے۔ اے بیلجیم دیاں دو سرکاری بولیاں چون وی اک اے دوجی ڈچ اے۔ فرانسیسی بولن والے بیلجیم دے لوکاں دا 40٪ بندے نیں۔ دوجے لوکاں دی بولی ڈچ اے۔ تے ایناں 60٪ دے 59٪ فرانسیسی سمجدا اے۔

موناکو تے انڈورا[لکھو]

موناکو دی سرکاری بولی فرانسیسی اے 47٪ لوک فرانسیسی نیں۔ نیشنل بولی مونگیسک اے۔ کیٹلن اندورا دی سرکاری بولی اے پر فرانسیسی عام سمجی جاندی اے۔

لکسمبرگ[لکھو]

فرانسیسی لکسمبرگ دیاں تن سرکاری بولیاں چوں اک اے دوجیاں ہور بولیاں جرمن تے لکسمبورگ اے۔ لکسمبرگ چ پہلے ساراں چ لکسمبورک فیر جرمن تے فیر فرانسیسی پڑھائی جاندی اے۔ فرانسیسی نوں 98٪ لوک بولدے نیں۔

کینیڈا[لکھو]

فرانسیسی کینیڈا دی دوجی وڈی بولی اے تے انگریزی نال اے وی کیںیڈا دی سرکاری بولی اے۔ کیوبک دے صوبے چ اے کلی سرکاری بولی اے۔ اوتھے اے 68 لکھ یا 80٪ لوکاں دی بولی اے تے 95٪ لوک فرانسیسی نوں سمجدے نیں۔ مونٹریال دنیا چ ماں بولی دے سعاب نال فرانسیسی بولن والا دوجا وڈا شہر اے۔ نیو برنسوک جتھے لوکاں دا تیجا انگ فرانسسیسی بولدا اے اوتھے وی اے انکریزی نال رل کے اے سرکاری بولی اے۔

امریکہ[لکھو]

فرانسیسی امریکہ دی انگریزی ہسپانوی تے چینی دے مگروں چوتھی وڈی بولی اے۔

افریقہ[لکھو]

فرانسیسی بولن والیاں دی دنیا ج سب توں وڈی کنتی افریقہ چ ریندی اے۔ 115 ملین افریقی جیہڑے 31 دیسان چ پھیلے ہوۓ نیں فرانسیسی اوناں دی پہلی یا دوجی بولیاے۔