Rexón ultraperiférica de la Xunión Europea

Na xíriga comunitaria denómense rexones ultraperifériques de la Xunión Europea (RUP) a nueve territorios que, tando xeográficamente alloñaos del Continente européu, formen parte indivisible de dalgún de los 27 estaos miembros de la XE.^[1]

A diferencia de los Países y Territorios d'Ultramar considérense parte integral del territoriu européu formando parte del Espaciu Schengen y aplicándose les lleis y direutrices de la Xunión (sobre les que se reconocen tratos estremaos en distintos seutores según los términos del Tratáu d'Ámsterdam).

El Tratáu pol que s'establez una Constitución pa Europa reconoz tamién estes carauterístiques y asume la necesidá de tener en cuenta les sos especiales circunstancies a la hora de llexislar, especificando que van tener un tratu fiscal especial. Debíu al fracasu na aprobación del mesmu reformó la considerancia d'estes rexones (añediendo dos más a la llista) nel Tratáu européu de Lisboa.

La oficina d'información, xestión y sofitu a les Rexones Ultraperifériques (RUP) atópase na ciudá de Les Palmes de Gran Canaria, na islla de Gran Canaria.