Fransa

Cumhuriyetê Fransa République française
Desmal û Arma
Slogan: Liberté, Égalité, Fraternité
Marş: La Marseillaise
Xerita
Şınasiye
Zıwan	Fransızki
Paytext	Paris
Sûka tewr gırde	Paris
Sazbiyayış	5 Tışrino Verên,1958
Cıwiyayış
Şar	Fransız
Hıkumet	Cumhuriyet
Serdar	François Hollande
Din	Xıristiyaniye
Erd	674.843 km²
Nıfuso texminki	65.447.374
Sıxletiye	115/km²
Ekonomiye
Endekse gırdbiyayışe merduman	0,952
Pere	Euro
Kodê perey	EU
Mıntıqa
Wext	(UTC+1)
İnternet	.fr
Kodê têlefoni	+33

Fransa mıntıqa ra zımeyê rocawanê qıtaya Ewropa dera. Zımey Fransa de Deryayê Manşi; veroc de İspanya u Deryao Sıpê , rocakewtene de Belçıka, Luksemburg, Almanya, İswiçre u İtalya; rocawan de Okyanuso Atlas estê. Paytextê Fransa Pariso. Fransa ezayê NATOy, ê Yewiya Ewropa, Mıletanê Yewbiyayiyan (UN) u G8ia. Sistemê idarey demokrasiyo.

Tarix

Tarixê Fransa zaf dewletiyo. Seserra (esrê) 2. u 3ıne de şarê Fransa Xrıstiyaniye qebul kerde. Çağê Miyanêni de qralanê qıcan Fransa de hukım kerdo u sistemo feodal estbiyo. Labelê serra 1804ıne de Napolyoni qraliya Fransa vıraşta. Esrê 19. u 20ıne de Fransa zaf koloniy/mıstemerey gırewtê u zaf terteley kerdê. Wextê Cengê Dınyayê I. u IIıne de Fransa bınê işğalê Almanya de menda. Serra 1962ıne de Fransa, Cengê Cezayiri kerd vini u Cezayiri xo xoseriye ilan kerde.

İklım u bacari

İklımê Fransa honıko. Seba awıka germıne (Gulf Stream), wextê zımıstani hewayê Fransa zaf serdın niyo. Erdê Fransa her daim kheweyo.

Bacarê gırdi (2012):

• 1. Paris, nıfus: 12,341,418
• 2. Lyon, nıfus: 2,214,068
• 3. Marseille, nıfus: 1,727,070
• 4. Toulouse, nıfus: 1,270,760
• 5. Lille, nıfus: 1,166,452
• 6. Bordeaux, nifus: 1,158,431
• 7. Nice, nifus: 1,004,914
• 8. Nantes, nıfus: 897,713
• 9. Strasbourg, nıfus: 768,868
• 10. Rennes, nifus: 690,467

Bacarê Parisi zaf raver şiyo. Banê xeylê berzi u bınaê ke hetê mımariye ra hewl vıraziyayê, tede estê. Paris paytextê borsayo, merkezê iqtısad u siyasetê Fransayo.

Xeritaya Fransa

Nıfus

Nıfusê Fransa 63 milyono. Fransa hetê nıfusi ra (Almanya ra dıme) Ewropa de rêza dıyıne (2.) dera. Şarê Fransa sûkan de cıwiyeno, dewıcê xo senıkê; nuskar u wendoğê xo zafê. Dinê Fransa Xıristiyaniya, labelê ateisti zafê. Tede tayê Mısılmani, Musewiy u Hinduy zi estê. Zıwano xoyo resmi Fransızkiyo, hema tayê şarê Fransa zi Katalanki, Bretonki u Basqki qısey keno.

İqtısad

İqtısadê Fransa zaf pêt u qewetıno u dınya de rêza şeşıne (6.) dero. Teknolociye u sektorê turizmi Fransa de zaf raver şiyê. Turizmê xo zaf muhımo; her serre 75 milyon turisti şonê Fransa. Serra 2005ıne de şirketanê Fransa u Ewropa tiyareyê gırdi (Airbus A380) vıraşti.

Çımey

• Xeritaya Fransa
• Hewayê Fransa