Franzöösche Spraak

Franzöösche Spraak
Warrt snackt in:	Frankriek, Kanada un 50 annere Länner (besunners in Afrika, Ozeanien un Asien)
Sprekertall:	bi 290 Mio. (schätzt), dormank 74 Mio. as Mudderspraak
Spraakfamilie:	Indoeuropääsche Spraken Itaalsche Spraken Romaansche Spraken Franzöösche Spraak
Offiziellen Status
Amtsspraak in:	Frankriek, Europääsche Union un allerhand annere (Kiek na in'n Artikel)
Spraakkoods
ISO 639-1:	fr
ISO 639-2 (B):	fre
ISO 639-2 (T):	fra
SIL:	fra

düüster blaag: Moderspraak
blaag: Amtsspraak
hell blaag: Kulturspraak
gröön: Minnerheitenspraak

De franzöösche Spraak, kort franzöösch ( up Franzöösch: la langue française, kort français) is en vun de Langues d'oïl in de romansche Spraken un tellt to de indoeuropääschen Spraken.

Moderspraak is Franzöösch för rund 74 Millionen Lü. Dorto kaamt noch bi 50 Millionen, de Franzöösch as Tweetspraak köönt (op Stann vun 1999).

Sprakenkoods

De Sprakencode is fr, fra oder fre (na ISO 639); för Olfranzöösch (842 bit ca. 1400) is de Code fro un för Meddelfranzöösch (ca. 1400 bis 1600) is de code frm.

Franzöösch un Plattdüütsch

Franzöösch hett sien Sporen in de plattdüütsche Spraak achterlaten. Dat kümmt besünners vun de Franzosentiet, wat de Tiet weer, as Napoléon Bonaparte dör Europa trock. Aver ok vun wegen dat dat fein weer, sünnerlich bi den Adel, franzöösch to snacken. Un denn keem ok wat an Wöör över See, deelwies ok över dat Ingelsche.

Bispeel:

• Buddel vun bottle vun boutaille (över See)
• Butallje vun boutaille (Franzosentied)
• Fiesematenten vun visitez ma tente (?)
• Kannapee
• Scheselonge

Kreool

Dat gifft 'n grote Tall vun Kreoolspraken, de op dat Franzöösche baseert, t.B. de Spraak vun Haiti.

Amtsspraak

Franzöösch is Amtsspraak in düsse Länners (in Klammers de Tall vun de, de dat as Moderspraak hebbt.

• Belgien (4.000.000)
• Benin (17.000)
• Burkina Faso
• Burundi
• Côte d'Ivoire (17.000)
• Dschibuti (15.000)
• Frankriek (51.000.000)
• Gabun (38.000)
• Guinea
• Haiti
• Italien, regional (100.000)
• Kamerun
• Kanada, besünners in Québec, kiek bi Laurentidisch Franzeusch (6.700.000)
• Komoren (1.700)
• Demokraatsche Republiek Kongo
• Republiek Kongo (28.000)
• Luxemborg (13.100)
• Madagaskar (18.000)
• Mali (9.000)
• Monaco (17.000)
• Niger (6.000)
• Ruanda
• Swiez (1.270.000)
• Senegal
• Seychellen (1.000)
• Togo (3.000)
• Tschad (3.000)
• Vanuatu (6.000)
• Zentraalafrikaansche Republiek (9.000)

Weblinks

• http://fr.wikipedia.org - Franzöösche Wikipedia
• French 101 Free information on the French language