Tajvano

Por aliaj uzoj, vidu la paĝon Tajvano (apartigilo).

Tajvano 臺灣 Táiwān
Flago de Tajvano
Nacia himno: 《中華民國國歌》 Nacia Himno de la Respubliko Ĉinio 《中華民國國旗歌》 Nacia Flaga Himno
Nacia devizo: neniu
Bazaj informoj
Ĉefurbo	Tajpeo1
Ĉefa(j) lingvo(j)	ĉina (oficiala), hokla aŭ "tajvana", hakaa, aborigenaj lingvoj
Areo  % de akvo	35.980 kv. metroj km² 10,3 %
Loĝantaro	23,440,278 (2015)
Loĝdenso	636,3/km²
Horzono	UTC+8
Interreta domajno	.tw
Landokodo	TW
Telefona kodo	886
Politiko
Politika sistemo	Respubliko
Ŝtatestro	Prezidanto Ma Ying-jeou
Ĉefministro	Mao Zhi-guo
Ekonomio
Valuto	Nova tajvana dolaro (TWD)

Tajvano (ĉine: Táiwān, 臺灣 aŭ 台灣) aŭ Formozo (nomo donita de la portugaloj) estas insulo situanta sud-oriente de la kontinenta Ĉinio. Secesiinte disde Ĉinio en 1949, ĝi konsistigas, kun kelkaj aliaj insuloj, la Respublikon Ĉinio (Zhōnghuá mínguó, 中華民國), fonditan en 1911.

Ĝia ĉefurbo estas Tajpeo.

Historio

Prahistorio de Tajvano

Indicoj de homa setlado en Tajvano datiĝas ĝis antaŭ 30.000, kvankam la unuaj loĝantoj de Tajvano estis eble gene malsimilaj de ajna grupo nun loĝanta la insulon. Antaŭ ĉ. 4.000 jaroj, prauloj de la nunaj tajvanaj aborigenoj setlis en Tajvano. Ĉi tiuj aborigenoj havas genan rilaton kun malajoj kaj polinezianoj, kaj lingvistoj klasas iliajn lingvojn kiel aŭstroneziajn. Oni supozas ke oni povas spuri la praularon de polinezianoj ĝis Tajvano.

Fruaj setladoj

Hanaj ĉinoj eksetlis en la insularo Penghuoj (nomata ankaŭ Peskadoroj aŭ Pescadores) en la 12a jarcento, sed la malamikaj triboj de Tajvano kaj ĉi ties manko de la komercaj resursoj valoraj tiuepoke igis ĝin nealloga ĝis la 16a jarcento, krom por "okazaj aventuristoj aŭ fiŝistoj emaj al interŝanĝado de varoj".

Registraĵoj el la antikva Ĉinio montras ke hanaj ĉinoj eble konis la ekziston de la ĉef-insulo Tajvano jam de la periodo de la Tri Reĝlandoj (3a jarcento, 230 a.K.), doninte al proksimaj insuloj nomojn kiel Granda Liuqiu kaj Eta Liuqiu (etimologie, sed eble ne semantike, identaj al Ryūkyū en la japana), kvankam neniun el tiuj nomoj oni povis rilatigi definitive kun la ĉef-insulo Tajvano. Oni asertis sed ne pruvis ke la admiralo Cheng Ho (Zheng He) de la dinastio Ming vizitis Tajvanon inter 1403 kaj 1424.

Historio de Ĉina Respubliko

Vidu ankaŭ: Respubliko Ĉinio

Geografio

Pli detalaj informoj troveblas en la artikolo Geografio de Tajvano.

Socio

Etnaj grupoj

La ĉefaj etnaj grupoj en Tajvano estas la hokloj (70%), la hakaoj (15%), la t.n. kontinentanoj (13%), kaj la aborigenoj (2%).

Lingvoj

La ĉefaj lingvoj parolataj en Tajvano estas la ĉina (oficiala lingvo de la Respubliko Ĉinio), la hokla (ofte nomata ankaŭ "tajvana"), la hakaa, kaj la diversaj aborigenaj lingvoj

Vidu ankaŭ

• Respubliko Ĉinio
• Ĉinio
• Listo de urboj de Tajvano
• Landnomoj
• insularoj:
  • Ĝinmenoj
  • Macuoj
  • Penghuoj

Eksteraj ligiloj

• Registara retejo (jen france)
• Vojaĝkajero, fotoj kaj komentoj pri Tajvano (france kaj angle)
• Tajvano ĉe Wikitravel (jen france)

mapo de Tajvano