Kim-mn̂g-koān

Hok-kiàn-séng Kim-mn̂g-kōan
Kim-mn̂g ê phiau-chì
Kōan-tī	Kim-siâⁿ-tìn
Bīn-chek	Chôan Tâi-ôan pâi tē-20 153.056 km² (hâm O·-khiu)
Jîn-kháu	Chôan Tâi-ôan pâi tē-24 61,757人 (2004/5)
Tiān-ōe khu-hō	082
Kōan-ha̍t-chhī	bô-pòaⁿ ê
Tìn	3 ê
Hiuⁿ	3 ê
Koān-chhiū	Ka-po̍k-mî chhiū
Koān-hoe	Sù-kùi-lân
Koān-chiáu	--
Hêng-chèng-khu lūi-pia̍t	Koān

Kim-mn̂g, kòe-khì sio̍k-î Hok-kiàn Tâng-oaⁿ-kōan kóan-ha̍t, Bîn-kok 4 nî (1915 nî) to̍k-lı̍p siat kōan. Hiān-chú-sî, Kim-mn̂g-kōan kah Liân-kang-kōan (Má-chó·-tó) pêⁿ-pêⁿ sio̍k Tiong-hôa-bîn-kok (Tâi-ôan) kóan-ha̍t. Tiong-hôa-bîn-kok (Tâi-ôan) Hok-kián-séng séng-chèng-hú siat-tī Kim-mn̂g.

Tē-lí

Kim-mn̂g Tē-lí ūi-tì sī tang-keng 118 °24 ′, pak-úi 24 °27 ′, tú-hó tī Kiú-liông-kang (九龍江) chhut-hái-kháu, hām Ē-mn̂g-tó bīn-tùi-bīn. Kim-mn̂g ê thó·-tē pau-koah Tōa-kim-mn̂g-tó, Lia̍t-sū (Sió-kim-mn̂g), Tōa-tàⁿ, Jī-tàⁿ, lóng-chóng 12 ê tōa-sè tó-sū, chóng bīn-chek liōng-kî-iok 153.056 km² .

Kau-thong

Kim-mn̂g tó-siōng chú-iàu kau-thong sī kong-lō·, chôan-tó kong-lō· bı̍t-tō· tī Tâi-ôan tē-khu pâi tē-it. Tùi-gōa kau-thong　khong-ūn ûi-chú, bo̍k-chiân khai-thong ê hui-lêng-ki ( hui-ki ) hâng-sòaⁿ chú-iàu sī kàu-tè chit-kúi-ê só·-chai: Tâi-pak, Tâi-tiong, Ka-gī, Tâi-lâm kah Ko-hiông. Hái-ūn hong-bīn chú-iàu ū Liàu-lô kah Chúi-thâu nn̄g-ê káng-kháu, kî-tiong Chúi-thâu-káng mā-sī sió-sam-thong chí-tēng ê káng-kháu, hām tùi-hōaⁿ ê Ē-mn̂g Hô-pêng bé-thâu chi-kan lóng-ū tēng-kî ê hang-soaⁿ.

Chèng-tī

Kim-mn̂g tē-khu sóan-bîn kiat-kó· chha-put-to sī hōan-nâ-kun ê chi-chhî-chiá, le̍k-kài sóan-kí, hōan-nâ ê hāu-sôan-jîn tī chia pêng-kun tı̍t-phiò-só· lóng tī 9 siâⁿ í-siōng. Kīn-nî-lâi, Bîn-chìn-tóng sui-jiân chek-ke̍k tau-jı̍p hêng-chēng chu-gôan, kut-la̍t khai-kún, put-jī-kò in-ūi chāi-tē Kim-mn̂g peh-sìⁿ it-kòan bô chi-chhî Bîn-chìn-tóng ê chèng-tī chú-tiuⁿ, só·-í hōan-le̍k-kun tī chia tı̍t-phiò-lu̍t khah kē.

Hêng-chèng khu-ōa

• Kim-siâⁿ-tìn
• Kim-ô·-tìn
• Kim-soaⁿ-tìn
• Kim-lêng-hiong
• Lia̍t-sū-hiong
• O·-khiu-hiong（tāi-kóan）

Siong-koan liân-kiat

• Kim-mn̂g Kōaiⁿ-chèng-hú bāng-chām
• Kim-mn̂g Kok-ka Kong-hn̂g bāng-chām
• Kim-mn̂g Ji̍t-pò Siā
• Kim-mn̂g Tāi-ha̍k bāng─Kim-mn̂g Sòaⁿ-téng Tì-sek-khò·
• Lia̍t-sū Kong-kéng--Sió-kim-mn̂g
• Kim-mn̂g Kun-pún Bûn-chhái Kang-chok-sek