ატლანტიშ ოკიანე
| დიხაუჩაშ ოკიანეეფი |
|---|
|
ატლანტიშ ოკეანე მოსოფელიშ სიდიდათ მაჟირა წყარიშ აუზიე დო თიში ჟიდონპიჯიშ ართ-ნახუთორს ფორჷნს. ოკიანეშ ჯოხო მუმალობაშე ბერძენულ მითოლოგიაშე რე დო "ატლასიშ ზუღას" შანენს.
ოკიანეს წჷმოგინძორაფილი ლათინური S-იშ ნერი ფორმა უღჷ, ოორუეშე ობჟათეშა რე გინოზინდილი დო ეკვატორიული ურთიართმანგურ მალობათ 8° ოორუეშ გინძორწკჷმა ირთუ ოორუე დო ობჟათე ატლანტიკეფო. ბჟადალუშე ომძღჷ ამერიკაშ კონტინენტეფს, დო ელახიშე — ევროპას დო აფრიკას. რჩქალ ოკიანეს მეურე არქტიკაშ ოკიანეთ ოორუეს დო დრეიკის სრუტით ობჟათეს. თე ჟირი ოკეანე ხელოვნურო რე მერინაფილ პანამაშ არხით. ელახიშე ატლანტიკიშ დო ინდოეთიშ ოკიანეშ გუმართალიე 20° ელახიშ მერიდიანი, ნამუთ აგულაშ კონცხიშე ობჟათეშე ანტარქტიკაშა მეურს. ატლანტიკას არქტიკაშ ოკიანეშე რთჷნს ღოზეფი გრენლანდიაშ დო ოორუე-ბჟადალუ ისლანდიაშ შქა, ოორუე-ელახ ისლანდიაშ დო შპიცბერგენიშ ოძგაშე ობჟათე ჭურჭულეფს შქას დო უკულ ოორუეშ კონჩხიშ დო ოორუე ნორვეგიაშ შქას.
ფორჷნს მოსოფელიშშ ჟიპიჯიშ მეხოლ. 20% ატლანტიშ ოკიანე სიდიდათ კჷნმასკიდუ რჩქალ ოკიანეს. გოხოლუაშ ზუღეფიშ აშაკოროცხუათ თიში ფართობი რე 106.400.000 კვ. კმ; ზუღეფიშ მორკებათ — 82.400.000 კვ. კმ. სქირონაშ ფართობი, ნამუშ წყარმალუეფი ატლანტიკას ენმაკათუ ოთხიშა უმოსიე რჩქალი დო ინდოეთიშ ოკაანეეფწკჷმა ალაზიმაფათ. ოკიანიშ გოჸა ზუღეფიშით რე 354.700.000 კუბ. კმ., ზუღეფიშ უმშო - 323.600.000 კუბ. კმ.
ატლანტიშ ოშქაშე სიტომბა ზუღეფიშით 3.332 მეტრიე; ზუღეფიშ უმუშეთ — 3.926 მ. არძაშე ტომბა 8.605 მეტრით პუერტო რიკოშ რღამილი. ატლანტიკაშ სიფართა ლაჸაფენს 2.848 კმ-ით ბრაზილიაშ დო ლიბერიაშ შქას 4.830 კმ-შახ ააშ-ში დო ოორუე აფრიკაშ შქას.
ატლანტიშ ოკეანეს უმუთინუ ოძგაშე უღუ ბრელ ჸუჯით, უბით დო ზუღათ. თინეფ შქასიე კარიბიშ ზუღა, მექსიკაშ ჸუჯი, წიმინდე ლავრენტიშ ჸუჯი, სქირონაშქა ზუღა, უჩა ზუღა, ოორუეშ ზუღა, ლაბრადორიშ ზუღა, ბალტიაშ ზუღა, ნორვეგიაშ ზუღა, გრენლანდიაშ ზუღა დო თ.გ. ოკეანეშ კოკეფიე: ფაროშ კოკეფი, გრენლანდია, ისლანდია, როკალი, დიდი ბრიტანეთი, ირლანდია, ფერნანდუ-დი-ნორონია, აზორიშ კოკეფი, მადეირა, კანარიშ კოკეფი, კაბო-ვერდეშ კოკეფი, სან-ტომე დო პრინსიპიშ კოკეფი, ნიუფაუნდლენდი, ბერმუდაშ კოკეფი, კარიბიშ კოკეფი, წმინდა ელენეშ კოკი, ტრინიდადი დო ტობაგო, ტრისტან დო კუნია, ფოლკლენდიშ კოკეფი,ობჟათე ჯორჯიაშ კოკეფი დო შხვა.
რესურსეფი ინტერნეტის[რედაქტირაფა]
- ატლანტიშ ოკიანე, ენციკლოპედია ბრიტანიკა
- LA Times special Altered Oceans
- Oceanography Image of the Day, from the Woods Hole Oceanographic Institution
- National Oceanic and Atmospheric Administration
- NOAA In-situ Ocean Data Viewer Plot and download ocean observations
