Andorra es un payis de Evropa. Las sus frontieras son al norte kon Fransia i al sud kon la Espanya. La su sivdad kapitala es Andorra la Vella. El payis tiene 65 montanyas kon mas de 2.500 m d'altesa, ma no tiene beiras ala mar; se topa en los Pirineos, entre Espanya i Fransia, espesifikamente kon los departamentos fransezos de Pirineos Oryentalos i Ariège i al sud kon Katalunya. Es uno de los payises mas chikos de la Evropa i del 'olam, ma ainda el mas grande mikro-estato del kontinente, kon 468 km² de ekstension.
