Siria

Republika nga Arabo ti Siria الجمهورية العربية السورية al-Jumhūriyyah al-‘Arabīyah as-Sūriyyah
Wagayway Eskudo
Nailian a kanta:  "Homat el Diyar" (Ilokano: Dagiti Mangay-aywan iti Daga)
Kapitolio		Damascus 33°30′N 36°18′E
Kadakkelan a siudad		Aleppo
Opisial a sasao		Arabiko1
Nagan dagiti umili		Siriano, Taga-Siria
Gobierno		Presidensial a Republika
-	Presidente	Bashar al-Assad
Lehislatura		Konseho dagiti Tattao
Panagwayawayas
-	manipud ti Pransia	17 Abril 1946
-	manipud ti Nagkaykaysa nga Arabo a Republika	28 Septiembre 1961
Kalawa
-	Dagup	185,180 km2 (Maika-89) 71,479 sq mi
-	Danum (%)	1.1
Populasion
-	2011 (karkulo)	22,717,417 (Maika-53)
-	Densidad	118.3/km2 (Maika-101) 306.5/sq mi
GDP (PPP)		2011 karkulo
-	Dagup	$105.238 bilion (Maika-65)
-	Tunggal maysa a tao	US$5,043 (Maika-114)
GDP (nominal)		2010 karkulo
-	Dagup	US$60.210 bilion (Maika-66)
-	Tunggal maysa a tao	US$2,958 (Maika-118)
Gini (2004)		35.8 kalalainganna
HDI (2013)		0.473 ababa · Maika-166
Kuarta		Libra ti Siria (SYP)
Sona ti oras		EET (UTC+2)
-	Kalgaw (DST)	EEST (UTC+3)
Pagmanehuan		kanawan
Kodigo ti panagtawag		9632
TLD ti internet		.sy, سوريا.
1.	Ti Arabiko ket isi ti opisial a pagsasao; dagiti maisasao a pagsasao ken sabsabali a kita ket dagitoy: Siria nga Arabiko, Amianan a Mesopotamia nga Arabiko, Kurmanji a Kurdo, Armenio, Arameo, Sirkasiano, Turko
2.	02 manipud ti Lebanon

Ti Siria (/ˈsɪriə/ ( denggen) sirr-ee-ə; Arabiko: سورية‎ Sūriyya wenno سوريا Sūryā; Siriako: ܣܘܪܝܐ; Kurdo: Sûrî‎), opisial a ti Republika nga Arabo ti Siria (Arabiko: الجمهورية العربية السورية‎ al-Jumhūriyyah al-‘Arabīyah as-Sūriyyah  Arabiko a pannakabalikas ), ket maysa a pagilian idiay Lumaud nga Asia, a nabeddengan babaen ti Lebanon ken ti Baybay Mediteraneo iti laud, ti Turkia ti amianan, ti Irak iti daya, ti Hordania iti abagatan, ken ti Israel iti abagatan a laud.

Iti Ingles, ti nagan a Siria ket kapadpadana idi ti Lebante, a naamamuan iti Arabiko a kas ti Sham, nupay daytoy moderno nga estado ket buklenna dagiti luglugar ti taga-ugma a pagpagarian ken imperio, a mairaman ti Eblano a sibilisasion iti maikatlo a milenio BC. Iti Islamko a panawen, ti kapitoliona a siudad, a Damascus, ti kadaanan nga agnanayon a nataengan a siudad iti lubong, ket isu daydi tugaw ti Umayad a Kalipato, ken maysa a probinsial a kapitolio ti Mamluk a Sultanato iti Ehipto.

Ti populasion ti Siria ket 74% Sunni, 12% Alawi, 10% Kristiano, ken 3% Druze. No maitipon amin, adda 90% iti populasion ti Siria ket Muslim, bayat a dagiti dadduma a 10% ket Kristiano, a kangrunaan a mairaman dagiti Arabo a Kristiano ken dagiti pay Asiriano ken dagiti Armenio. Dagiti kangrunaan n patneng a minoridad idiay Siria ket mairaman dagiti Kurdo (9%), dagiti Asiriano, dagiti Armeniano, dagiti Turkamano ken dagiti Sirkasianos. Ti kaaduan ti populasion ket Arabo (90%).