Tchilieuvre

• tchuleuve, aungùûle dé ĥaie
• tchilieuvre ( tchilieuvre), sèrpent

Ch't' articl'ye fut c'menchie en Jèrriais

Lé jaune anaconda (Eunectes notaeus) d'meuthe en Améthique du Sud

Eune tchilieuvre ou un sèrpent est eune reptile sans gambes, mang'rêsse dé viande tch'a un long corps couèrt d'êcrèdes. Il' ont l'fraid sang (i' sont ectothèrmiques).

Y'a dans les 2,900 manniéthes dé tchilieuvre par touos les continnents excepté l'Antarctique. Dans la zoologie y'a vîngt fanmil'yes dé tchilieuvres.

Ouaithe qu'raîque eune minnorité dé tchilieuvres font sèrvi du v'lîn pouor tuer ou paralyser lus happe, les gens sont pus à co êpeûthés l'avant ès tchilieuvres et l'sèrpent est, dans des tchultuthes, un sŷmbole du ma. Les dragons r'sembl'yent souvent ès sèrpents.

Anatonmie

Anatonmie d'eune tchilieuvre: 1 fale, 2 sûffliet, 3 ponmons d'sûffliet, 4 ponmon r'tréchi gauche, 5 ponmon dêtre, 6 tchoeu, 7 faie, 8 ventre, 9 noe, 10 vessie à bile, 11 souothis, 12 rate, 13 bououyaux, 14 p'lotes, 15 rîngnons.

Les tchilieuvres n'ont pon d'ouothelles hortes du corps. Il' ont des paûpiéthes transpathentes tchi couvrent les ièrs - i' n'peuvent pon blyîntchi.

Manniéthes dé tchilieuvres

• sèrpent à sonnettes
• vipéthe
• tchilieuvre quémeune (Natrix natrix)