Hiŏng-gē̤ng

Cī piĕng ùng-ciŏng cék-liông iā-ô-hō̤, gó-chṳ̄ liĕk có̤ siŏh piĕng „Cék-liông ô-lī-kó̤ gì ùng-ciŏng“. Buóh siōng liēu-gāi gó sâ̤, kī-dâe̤ng nṳ̄ dók cŭ-uái.

Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。

---

Dṳ̆ng-huà Ìng-mìng Gê̤ṳng-huò-guók Hiŏng-gē̤ng Dĕk-biék Hèng-céng-kṳ̆
中華人民共和國香港特別行政區 Hong Kong Special Administrative Region, People's Republic of China
guók-gì guók-hŭi
cê̤ṳ-iòng dê-lī (sĭk-cié kóng-cié)
Siū-dŭ	Hiŏng-gē̤ng-dō̤
Miêng-cék guók-tū miêng-cék: 1,104.43 km2
Ìng-mìng sĕng-huák
guăng-huŏng ngṳ̄-ngiòng	Háng-ngṳ̄, Ĭng-ngṳ̄
ìng-kēu ìng-kēu: 7,234,800(2014 nièng) ìng-kēu mĭk-dô: 6,544 nè̤ng/km2(2014 nièng)
Céng-dê ùng-huá
céng-dê cié-dô	cṳ̆-buōng-ciō-ngiê
guók-gă liāng-dô-ìng guók-gă nguòng-siū: Sĭk Gê̤ṳng-bìng(guók-gă ciō-sĭk) céng-hū siū-nō̤: Liòng Cīng-ĭng(dĕk-biék hèng-céng-kṳ̆ hèng-céng diōng-guăng)
gĭng-cá̤ sĭk-lĭk
huó-bê dăng-ôi	Gē̤ng-nguòng
GDP	$3028.14 é (2013 nièng)
ìng-gĭng GDP	$55,383(2013 nièng)
HDI	0.891(2014 nièng)
tŭng-ê̤ṳng ngṳ̄-ngiòng	Uŏk-ngṳ̄, Ĭng-ngṳ̄
Guók-gă cṳ̆-lâiu
guók-gă dâi-hô̤	HKG
guók-cié ṳ̆k-miàng sáuk-siā	.hk
guók-gă diêng-uâ kṳ̆-hô̤	+852

Hiŏng-gē̤ng(Háng-cê: 香港, Uŏk-ngṳ̄: hoeng¹ gong²) sê Dṳ̆ng-guók nàng huŏng gì siŏh bĭh dĕk-biék hèng-céng-kṳ̆, ciòng miàng hô̤ lā̤ „Hiŏng-gē̤ng Dĕk-biék Hèng-céng-kṳ̆“, sê Dṳ̆ng-guók lâng bĭh Dĕk-biék hèng-céng-kṳ̆ cī-ék.

Hiŏng-gē̤ng nguòng-lài sê Muāng-chĭng Guōng-dĕ̤ng â-dā̤ gì siŏh ciáh gâing. Nguòng-lài sê siŏh ciáh cêng gò̤ bék gì dê-huōng, iā sâ̤ hāi-chék ciŏng uŏ có̤ diŏh cŭ-uái. Muāng-chĭng găh Ă-piéng Ciéng-cĕng páh suŏ gò̤, 1842 nièng, ciŏng Hiŏng-gē̤ng-dō̤ gák ké̤ṳk Ĭng-guók; gáu-muōi bô ciŏng Gāu-lṳ̀ng gâe̤ng Sĭng-gái cŭ ké̤ṳk Ĭng-guók 99 nièng. Ĭng-guók ciŏng ciā sĭk-mìng-dê huák-diēng iā hô̤, niông ĭ biéng-siàng Ā-ciŭ có̤i huák-dák gì siàng-chê cī-ék, gâe̤ng Hàng-guók, Sĭng-gă-pŏ̤, Dài-uăng cà̤ hô̤ lā̤ „Ā-ciŭ Sê-siēu-lṳ̀ng“.

Gāu-lṳ̀ng gâe̤ng Sĭng-gái gì cŭ-gĭ găh 1997 nièng gáu-duái, chă-bók-dŏ̤ iù 1970 nièng kăi-sṳ̄, Ĭng-guók gâe̤ng Dṳ̆ng-guók dàng-puáng, buók siŏng ciŏng cī 2 ciáh dê-huōng dèng ké̤ṳk Dṳ̆ng-guók; dáng-sê Dṳ̆ng-guók ék-câi giĕng-tì iâ buók dĭk sê sĭk-mìng-dê gì Hiŏng-gē̤ng-dō̤. Có̤i muōi mò̤-niĕ-ài diŏh 1997 nièng 7 ngŏk 1 hô̤ ciŏng Hiŏng-gē̤ng-dō̤ Gāu-lṳ̀ng gâe̤ng Sĭng-gái dŭ dò̤ gău ké̤ṳk Dṳ̆ng-guók, cī giông dâi-gié ké̤ṳk gīng-dáng gì Dṳ̆ng-guók-nè̤ng hô̤ lā̤ „Hiŏng-gē̤ng Huòi-gŭi“. Ciā „Hiŏng-gē̤ng Dĕk-biék Hèng-céng-kṳ̆“ cêu ciŏng-uâng sìng-lĭk gò̤ lāu.

Hiŏng-gē̤ng-nè̤ng tàu-dā̤ mò̤ chăng-gă Hiŏng-gē̤ng gŭi-sṳ̆k gì dàng-puáng, gó-chṳ̄ ô gì Hiŏng-gē̤ng-nè̤ng ô ké̤ṳk nè̤ng chók-mâ̤ gì găng-gáe̤k. Bô gă lā̤ Lĕ̤k-sé Sê̤ṳ-giông ī-hâiu mâ̤ ciēu gì Hiŏng-gē̤ng-nè̤ng dó̤i Dṳ̆ng-guók céng-hū êng-chiông mâ̤ hō̤, ô gì nè̤ng giéng-gáe̤k Hiŏng-gē̤ng diŏh dŭk-lĭk hĕ̤k-ciā gié-sṳ̆k ciék-sêu Ĭng-guók gì tūng-cié.

Gŏng-gé̤ṳ «Hiŏng-gē̤ng Dĕk-biék Hèng-céng-kṳ̆ gĭ-buōng-huák» gì giĕ-dêng, Hiŏng-gē̤ng sĭk-siĕ cṳ̆-buōng-ciō-ngiê. Cuòi gâe̤ng Dâi-lŭk gì siâ-huôi-ciō-ngiê cié-dô mâ̤ siŏh iông, ĭng-ôi „bō̤-tì cṳ̆-buōng-ciō-ngiê cié-dô 50 nièng bók-biéng“ sê Dṳ̆ng-guók céng-hū gâe̤ng Ìng-guók iók-dêng gì. Găh Ĭng-guók tūng-cié gì sèng-âu, Hiŏng-gē̤ng gì guăng-huōng ngṳ̄-ngiòng sê Ĭng-ngṳ̄ gâe̤ng Uŏk-ngṳ̄, Ĭng-ngṳ̄ ôi ciō; gáu „Hiŏng-gē̤ng Huòi-gŭi“ ī-hâiu, uâng siàng Háng-ngṳ̄ gâe̤ng Ĭng-ngṳ̄, Háng-ngṳ̄ ôi ciō. Cêu sê gōng hiêng-câi Uŏk-ngṳ̄ ī-gĭng ng-sê guăng-huōng ngṳ̄-ngiòng lāu. hŏk-hâu gáu-ṳ̆k gì ngṳ̄-ngiòng iā uâng-siàng Háng-ngṳ̄, bók-guó iā sâ̤ nè̤ng huāng-dó̤i ciŏng-uâng có̤.

Dṳ̆ng-huà Ìng-mìng Gê̤ṳng-huò-guók Sēng-ngék Hèng-céng-kṳ̆
Sēng  : Ăng-hŭi | Ciék-gŏng | Chĭng-hāi | Găng-sé̤ṳk | Gék-lìng | Gói-ciŭ | Gŏng-să̤ | Gŏng-sŭ | Guōng-dĕ̤ng | Hāi-nàng | Háik-lṳ̀ng-gĕ̤ng | Hók-gióng | Hù-báe̤k | Hù-nàng | Hùng-nàng | Lièu-nìng | Ò̤-báe̤k | Ò̤-nàng | Săng-dĕ̤ng | Săng-să̤ | Sé-chiŏng | Siēng-să̤ | Dài-uăng (hṳ̆-siék, sĭk-cié mò̤ kóng-cié)1 Cê̤ṳ-dê-kṳ̆  : Guōng-să̤ | Nìng-hâ | Nô̤i Mūng-gū | Să̤-câung | Sĭng-giŏng Dĭk-hăk-chê  : Báe̤k-gĭng | Siông-hāi | Tiĕng-cĭng | Tṳ̀ng-kéng Dĕk-biék Hèng-céng-kṳ̆  : Hiŏng-gē̤ng | Ó̤-muòng
1: cŭ-uái kī-dâe̤ng nṳ̄ ché̤ṳ Dài-uàng ông-tà̤ gâe̤ng Dṳ̆ng-huà Mìng-guók.