Zeitzone
Der Artikl is im Dialekt Obaboarisch gschrim worn. |
A Zeitzone is a Bereich auf unserner Eadowafläch'n, in der de säibe Zeid guit, de wo vom Stoot festglegt is.
Inhoitsvazeichnis
De Entstehung vo de Zeitzonen[VE | Weakln]
Ganz am Ofang hod a jeds Doaf sei eigne Uazeit ghabt. Und ganz friara hod ma de Zeit mim Stand vo da Sunn vaglicha und so hod ma immer genau gwisst, wanns zMittag is. Is de Sunn an eanan hechstn Punkt gwen, nachad woas zwöife zMiddog.
Wannst jez am Dog amoi mim Finga iwa de Kartn foarst und in Richtung Osten ziagst, dann bist quasi auf da Roas in d'Zukunft. Mochst des Ganze owa, indem doss´d mim Finga Richtung Westen ziagst, dann gez in d'Vagangenheit. Da kimmst owa ned weida ois wie bis zua Datumsgrenz, oiso bis zu am Tag, dann is Endstation auf dera Roas. Du konnst oiso, wennst nach voan iwa de Datumsgrenzn gehst, an Tag guatmacha, oder wennst rückwärts driwagehst, an Tag valiern, aber mehra ned.
S Hauptproblem woa dann, wo ma d'Eisenbahn baut hod. Weil wemma auf a so an Zug warten duad, na mechat ma scho, doss der a pünktlich okimmt oder ofahrt. Und genau da is da Has im Pfeffer gleng. Weil a jeder hat ja sei eigane Zeit ghabt und a jeder hat a gmoant, doss genau sei Zeit de Zeit is, de olle aundan aa ham miassatn. Und je reicher doss warn, um so eha wars d'Zeit de ma ham soitat. Und jetz kinnts euch vurstöilln, wia pünktlich da de easchtn Ziig woarn.
Vo 1840 bis 1860 san fia fast olle Europäischen Länder landesweit einheitliche Zeitenzonen festglegt woan. Olladings hods do no koa Logik dahinter gem, sondern ma hat oafach gsagt, wanns in London jez zwejfe is, dann hoz gfölligst rund uma London umadum aa zwejfe zum sei.
Mit da Entstehung vo Bahnlinien, de wo iwa dGrenz foan, hod ma fia a jewäilige Streckn a bstimmte Zeit hergnumma, was dazu gfiart hod, doss d'Ortszeit vo da Bahnzeit ogwichn is - so san beim Zsammtreffa vo mehrare Streckn entsprechend vui, teils owa aa nua umara boa Minutn vaschiedene Zeiten zsamkemma. Des woara rechts Gwirx, wäi des hod jo aa ois irgnd oana festhoitn miassn.
A wöjtweits Zeitzonensystem is ois easchts 1879 vom kanadischen Eisenboh-Inschenöa Sir Sandford Fleming (1827–1915) ois Eisenbahnzeit vuagschlogn woan. Des hat nachad dazu gfiat, doss ma, noch a paar internationaln Konferenzen zum Vurbereitn, auf da internationaln Meridiankonferenz im Oktober 1884 in Washington D.C. de Erdn eascht amoi in 24 Stundenzonan mid je 15 Längengrad auftäud hod. Des, wos zwischn de Zonen iwabliem is, waren 60 Minutn (oda em a Stund), und damit a maximale Diffarenz vo 23 Stunden zwischn zwoa Zeitzonan. Auf dera Konferenz is ma si aa einig woan, doss ma zum Berechnan vo da Wöjtzeit den festgsetzten Greenwich-Meridian ois Nullmeridian hernimmt. Ma hätt a Straubing nemma kenna, owa wäj doat daumois koa passende Steanwartn ned woa, hod mas daun do ned gmocht.
Und seid wann is des jetza so wias is ?[VE | Weakln]
Bei de Deitschn[VE | Weakln]
Im Deutschen Reich hams a Zeitgsetz gmacht, des auf des Gsetz vo 1893 zruckgeht, und d'mittlere Sonnenzeit des 15. Längengrades is ois gsetzliche Zeit verankert. Davor hat jeder so sei eigenen Zeit ghabt, in Byern zum Beispu, da war d'Münchner Ortszeit, wos dann zum Streit mit de Preissn gführt hat, weil de an Zeitvasatz vo 7 Minuten ghabt ham, weil de ham eahnane Berliner Zeit ghabt. Des entspricht a ziemlich genau zwoa Breitengrade auf da Kart´n wenn ma genau hischaugt.
Vorreiter von einer solchen einheitlichen Zeit in Deutschland waren wia imma d'Eisenbahner. De Preußischen Staatseisenbahnen ham auf dem Gebiet vom Norddeutschen Bund ab 1880 einfach d'Berliner Zeit ois interne Betriebszeit hergumma, de Süddeutschen Bahnen aber d'MEZ. 1890 hat ma sich dann endlich drauf geeinigt, da ma de Zeit vo de Südländer hernimmt, oiso d'MEZ. Ironischerwesie hat ma sich am 1 April 1893 darauf geeinig, und ma is sich no ned so ganz sicher wer da jetz wem gleimt hat.
Bei de Östareicher[VE | Weakln]
Bei de Östareicher hat ma seid Mitte des 19. Jahrhunderts ned d'Zeit vo da Hauptstadt Wien (16 Grad östliche Länge) hergnumma, sondern d'Prager Zeit (14,5 Grad östliche Länge). Hat ma sich des jetz aber mal aus da Sicht vo da Eisenbahn ogschaugt, nachad is oam glei ganz anders worn. Weil je nachdem wias grad gfaheren san, je nach Strecken d'Lindauer, Münchner, Prager, Budapester oder Lemberger Zeit hergnommen worden is. Und weil ma gseng hat was bei de Deutschen dabei rauskumma is, ham a d'Österreicher des ganze dann eigseng. Am 1. Oktober 1891 is vo de österreichischen Staatsbahnen dsogenannte Stunden-Zonenzeit eingführt worden, welche sich wia bei uns in Deutschland auf d'Ortszeit vom 15. östlichen Längengrad bezogen hat (MEZ). Alles in allem hat sich aber ned recht vui do bei de Östareicher, weil da Unterschied zwischen Wien und Prag a bloss 2 Minut'n waren, und so is bei dene ned später und ned frühra worn. A Gsetz hams aba ned glei gmacht d'Österreicher.
Listen vo de vaschiedenen Zeitzonen[VE | Weakln]
UTC-12 bis UTC-9:30[VE | Weakln]
UTC-12 | UTC-11 | UTC-10 | UTC-9:30 | |
---|---|---|---|---|
Name: | IDLW - International Date Line West |
AHST - Alaska-Hawaii Standard Time |
||
Sommerzeit: |
HDT - Hawaii Daylight Time, UTC-9 |
|||
Länder: |
|
UTC-9 bis UTC-6[VE | Weakln]
UTC-9 | UTC-8 | UTC-7 | UTC-6 | |
---|---|---|---|---|
Name: |
AKST - Alaska Standard Time YST - Yukon Standard Time |
PST - Pacific Standard Time PT - Pacific Time |
MST - Mountain Standard Time |
CST - Central Standard Time |
Sommerzeit: |
AKDT - Alaska Daylight Time YDT - Yukon Daylight Time, UTC-8 |
PDT - Pacific Daylight Time, UTC-7 |
MDT - Mountain Daylight Time, UTC-6 |
CDT - Central Daylight Time, UTC-5 |
Länder: |
|
|
UTC-5 bis UTC-4[VE | Weakln]
UTC-5 | UTC-4 | |||
---|---|---|---|---|
Name: |
EST - Eastern Standard Time |
AST - Atlantic Standard Time |
||
Sommerzeit: |
EDT - Eastern Daylight Time, UTC-4 |
ADT - Atlantic Daylight Time, UTC-3 |
||
Länder: |
|
|
UTC-3:30 bis UTC-1[VE | Weakln]
UTC-3:30 | UTC-3 | UTC-2 | UTC-1 | |
---|---|---|---|---|
Name: |
NST - Newfoundland Standard Time
|
|||
Sommerzeit: |
NDT - Newfoundland Daylight Time, UTC-2:30 |
|||
Länder: |
|
|
|
UTC bis UTC+3[VE | Weakln]
UTC+3:30 bis UTC+5[VE | Weakln]
UTC+3:30 | UTC+4 | UTC+4:30 | UTC+5 | |
---|---|---|---|---|
Name: |
IRT - Iran Time |
|||
Sommerzeit: |
IRST - Iran Summer Time, UTC+4:30 |
|||
Länder: |
|
UTC+5:30 bis UTC+6:30[VE | Weakln]
UTC+5:30 | UTC+5:45 | UTC+6 | UTC+6:30 | |
---|---|---|---|---|
Name: |
IST - Indian Standard Time |
|||
Sommerzeit: |
||||
Länder: |
UTC+7 bis UTC+9[VE | Weakln]
UTC+7 | UTC+8 | UTC+8:30 | UTC+8:45 | UTC+9 | |
---|---|---|---|---|---|
Name: |
ICT - Indochina Time |
CST - China Standard Time |
JST - Japan/Korea Standard Time |
||
Sommerzeit: |
|||||
Länder: |
|
|
|
|
UTC+9:30 bis UTC+11[VE | Weakln]
UTC+9:30 | UTC+10 | UTC+10:30 | UTC+11 | |
---|---|---|---|---|
Name: |
ACST - Australian Central Standard Time |
AEST - Australian Eastern Standard Time |
||
Sommerzeit: |
ACDT - Australian Central Daylight Time, UTC+10:30 |
AEDT - Australian Eastern Daylight Time, UTC+11 |
||
Länder: |
|
|
UTC+11:30 bis UTC+14[VE | Weakln]
UTC+11:30 | UTC+12 | UTC+12:45 | UTC+13 / UTC+14 | |
---|---|---|---|---|
Name: |
NFT - Norfolk (Island) Time |
IDLE - International Date Line East, NZST - New Zealand Standard Time |
||
Sommerzeit: |
NZDT - New Zealand Daylight Time, UTC+13 |
|||
Länder: |
|
|
UTC+13
|
Im Netz[VE | Weakln]
- www.welt-zeit-uhr.de – Wäidzeituhr – olle Zeitzonen vo da Wäid (XGA)
- www.weltzeit.de Zeitzonenkarte – Wäidkortn mit Zeitzonen
- InstantTimeZone – zeigt d Uhrzeit und s Datum vo ana andern Zeitzone nem da Uhr vo ihrm PC o
- Physikalisch-Technische Bundesostoit – Listn mit Zeitzonen
- Zeitzonen