Kanada

Kanada
Desmale Arma
Paytext	Ottowa
Bacarê tewr gırdi	Toronto
Zıwan	İngılızki u Fransızki
Hukmat	Federasyon
Erd
- Pêro-piya	9,984,670
- % awe	(%) 8.92
Nıfus
- Pêro-piya	32,547,200
- Sıxletiya nıfusi serê km²	3.3/km²
Yewiya perey	Dolar ($) (CAD)
Wareyê saete	-3.5 to -8
Kılmkerdışê pela interneti	.ca
Kodê têlefoni	+1

Kanada yew dewleta. Cayê xo mıntıqa ra zımey qıta Amerika dero. Zımey Kanada de Okyanuso Arktik, veroc (cenub) de Dewletê Amerikayê Yewbiyayey, rocawan (ğerb) de Okyanuso Gırd, rocvetış, (şerq) de Okyanuso Atlantik u Welato Kewe (Greenland) estê. Paytextê Kanada Ottowayo. Kanada eyaletan ra yena pêra (mıteşekkıla) u 13 eyaletê xo estê. Kanada ezaya NATO, Mılliyetanê Yewbiyayiyan (UN), NAFTA u G8iya.

Tarix

İşğalê şaranê Ewropayıcan ra ver, eşirê Postesuran (Indians) Kanada sero cıwayêyi bi; nê wahêrê ê erdi bi. Wextê esrê 15'i de mılletanê Ewropa qıta Amerika işğal kerde. Eskeranê Ewropa hem Dewletê Amerikayê Yewbiyayey hem Kanada de zaf postesuri kışti, be guman 11 milyon merdumi tertele ra merdê. Verin de Kanada koloniya/mıstemera Britanya biye. Labelê Kanada xoseriya temame nêgırewt. Nıka Kanada gırêdayiya qralina Britanyawa. Cengê Dınyayê I. u II. de dewleta Kanada bêhet mende.

İklim u Suki

İklimê Kanada zaf serdıno. Mıntıqa ra zımey (şımalê) xo zaf cemedıno. Awa ki iklimê Kanada zaf serdıno, şarê Kanada sindorê Amerika ri nêzdi nışeno ro.

Bacarê Gırdi:

• 1. Toronto. Nıfus: 2.481.494
• 2. Montreal. Nıfus: 1.583.590
• 3. Calgary. Nıfus: 878.866
• 4. Ottawa. Nıfus: 774.610
• 5. Winnipeg. Nıfus: 671.126.

Bacara Torontoy zaf raver şiya. Tede banê xeylê berzi estê. Toronto bacarê borsayo, merkezê iqtısadê Kanadayo.

Xerita Kanada

Nıfus

Nıfusê Kanada 32,5 milyono. Zaf mılletan ra insani estê: İngılızi (%19,2), Frenki (%15,7), İskoçi (%14), İrlandıci (%12,9), Elmani (%9,0), İtalyani (%4,3), Çinıci (%3,5) u Postesuri (%3,4). Dinê Kanada İsewitina u mezhebê mıletê Kanada Katoliko. Labelê dino resmi çıniyo. Tayê Mısılmani, Musewiy zi estê. Zıwano resmi İngılızki u Frenkiyo.

İqtısad

İqtısadê Kanada zaf gırdo. Endustriya koli u petroli zaf mıhima. Herunda standardê heyati berza. Labelê Kanada iqtısad u kulturê Dewletê Amerikayê Yewbiyayey ra zaf tesir biya.

Çımey

• Sitey Dewleta Kanada (İngilizki)
• Atlasê Kanada (İngilizki)
• Canada CIA the World Factbook (İngilizki)
• Resmê Kanada (İngilizki)

Eyaletê Kanada

Desmale Eyalet Paytext Serra ezabiyaene be Federasyonê Kanada Warey saete Mıntıqa Wexti (UTC) Mıntıqa ra caê xo Kolumbiya Britanya (British Columbia) Victoria 1871 -8 Okyanuso Gırd, -7 Koyê Kemerêni (Rocky Mountains) Kanada Rocawani Alberta Edmonton 1905 -7 Koyê Kemerêni (Rocky Mountains) Saskaçewan (Saskatchewan) Regina 1905 -7 Koyê Kemerêni (Rocky Mountains), -6 Merkez Manitoba Winnipeg 1870 -6 Merkez Ontario Toronto 1867 -6 Merkez, -5 Rocvetış Kanada Rocakewtene Kebek (Quebec) Kebek (Quebec) 1867 -5 Rocvetış -4 Adey Magdalena Brunswiko Newe (New Brunswick) Fredericton 1867 -4 Okyanuso Atlantik İskoçya Newiye (Nova Scotia) Halifax 1867 Adey Şahzaê Edwardi (Prins-Edward-Eiland) Charlottetown 1873 Welato Newe u Labrador (Newfoundland and Labrador) Saint John's 1949 -4 Okyanuso Atlantik, -3.5 Welato Newe u Labrador (Newfoundland and Labrador) Yukon Whitehorse 1898 -8 Okyanuso Gırd Kanada Zımey Eraziyê Zımey Rocawani (Northwest Territories) Yellowknife 1870 -7 Koyê Kemerêni (Rocky Mountains) Nunavut Iqaluit 1999 -7 Koyê Kemerêni (Rocky Mountains), -6 Merkez, -5 Rocvetış