Lengua spagnöla
 |
Quel articul chì l'è scrivüü in Lumbard ucidental urtugrafia ünificada. |
| Spagnö (español) | |
|---|---|
| Oltri denuminazión: | castellano |
| Parlaa in: | Spagna, America Latina |
| Región: | America central, America Latina, Messico, Stat Ünì (in minuransa), Caraibi, Spagna. |
| Parlant: | 500 milion |
| Ranking: | 2 (nümer tutal); 3 (madrilengua) |
| Classificazión genétega: | Indo-Europea Italica |
| status ufizial | |
| Lengua ufiziala de: | Ünion europea, Argentena, Bolivia, Cile, Culombia, Costa Rica, Cuba, El Salvador, Ecuador, Spagna, Guinea Equaturial, Guatemala, Honduras, Messico, Nicaragua, Panama, Paraguay, Perù, Porto Rico, Repübblica Duminicana, Uruguay, Venesuela, i Filipinn. |
| Regulaa da: | Asociación de Academias de la Lengua Española |
| còdas de la lengua | |
| ISO 639-1 | es |
| ISO 639-2 | spa |
| SIL | spa |
| videe anca: lengua | |
El spagnö (español) o castijan (castellano) l'è una lengua rumanza che l'è nassü int la Spagna del nord, e pian pian el s'è ingrügnaa in tütt el regn de castilia e l'è diventaa la lengua principal del guveren e del cumerc. I l'han pö purtaa in Africa, America, e int l'Asia Pacifica con e' slargament de l'imper spagnö tra el 15esim e el 19esim secul.
El prim liber de gramatica spagnöla l'è stata la Gramática de la Lengua Castellana, e l'è stat scrit del 1492 da Elio Antonio de Nebrija. Quand el liber l'è stat presentaa a la regena Isabela I de Castilia, le la gh'ha dumandaa ¿Para qué quiero una obra como ésta si ya conozco el idioma? (Parchè a gh'avrissa bisogn d'un opera cume qusta, se a cunuss giamò la lengua?). L'autur el gh'ha rispost: Señora, la lengua es el instrumento del Imperio (Siura, la lengua l'è e' strüment dl'Imper).
Status[Mudifega | mudìfica 'l sorgènt]
Se a metuma insema tütt i parlant del spagnö, cüntanda sia i maderlengua che qui che i la parlan cume seconda lengua, se riva a un tutal de circa 500 milion de parlant. Quest el vö di che e' spagnö l'è la tersa lengua püssè parlaa al mond dop l'ingles e el cines.
Al di d'incö e' spagnö l'è la lengua uficiala in Spagna, e int i püssè tanti di nassion Latin American e de la Guinea Equaturial. Tütt insema, e' spagnö l'è la lengua uficial de 21 nassion. L'è incasì vün di ses lengu uficial di Nassion Ünì.
L'alfabet spagnö[Mudifega | mudìfica 'l sorgènt]
L'alfabet ufizial spagnö al gh'ha 29 leter: (ascultá): a, b, c, ch, d, e, f, g, h, i, j, k, l, ll, m, n, ñ, o, p, q, r, s, t, u, v, w, x, y, z.
I nomm ufiziai di leter: (la) a, be, ce, che, de, e, efe, ge, (la) hache, i, jota, ka, ele, elle, eme, eñe, o, pe, cu, erre, ese, te, u, (u)ve, (u)ve doble / doble u, equis, i griega, zeta.
I leter k e w a gh'hinn dumà in di parol furest.
Test in spagnö cun la parnunzia[Mudifega | mudìfica 'l sorgènt]
- (ascultà) «SEAT es una compañía española, propiedad del Grupo Volkswagen, integrada en el Grupo de Marcas de Audi. La marca produce modelos con un diseño expresivo y un carácter innovador y deportivo. En la actualidad la empresa española comercializa siete modelos (Alhambra, Arosa, Córdoba, Ibiza, Inca, León y Toledo) y exporta las dos terceras partes de su producción. Sus principales mercados son los europeos y está presente en 70 países de los cinco continentes. La factoría de Martorell, inaugurada en 1993 por el rey Juan Carlos I, está considerada como una de las más avanzadas de Europa gracias a sus sistemas logísticos y a la flexibilidad del proceso de producción. Las ventas a cliente final de SEAT se sitúan a 500.000 unidades al año».
