Heard- en McDonaldeilande

Heard- en McDonaldeilande Inheemse naam: Heard Island and McDonald Islands
Satellietbeeld van die Heard- en McDonaldeilande
Geografie
Ligging	Indiese Oseaan
Koördinate	53°06′S 73°31′O
Argipel	Heard- en McDonaldeilande
Hoofeilande	2
Oppervlakte	368 vk km
Hoogste punt	Mawson Peak 2 745 m
Administrasie
Australië
Eksterne gebied	Heard- en McDonaldeilande
Demografie
Bevolking	0

Die Heard- en McDonaldeilande (Engels: Heard Island and McDonald Islands, afgekort: HIMI) is 'n onbewoonde en onherbergsame sub-antarktiese eilandgroep in die suide van die Indiese Oseaan op dieselfde hoogte as Vuurland en op dieselfde lengtegraad as Moembaai, dit lê 1700 km van Antarktika en 4100 km suidwestelik van Perth. Die naaste eiland is die Kergueleneilande, dit lê 450 km noord-wes. Die eilande val onder jurisdiksie van Australië. Om onduidelike redes het die eilande (sonder ekonomiese aktiwiteit) sy eie topvlak-domein .hm gekry.

Ligging van die Heard- en McDonaldeilande in die Indiese Oseaan

Kaart van die Heard- en McDonaldeilande

Heard is vernoem na sy ontdekker James Heard, 'n robbejagter wat op 25 November 1853 die eilande vir die eerste keer waargeneem het, en die McDonaldeiland is vernoem na sy ontdekker William McDonald, 'n kaptein wat op 4 Januarie 1854 die eiland ontdek.

Die Heard- en McDonaldeilande is sedert 1947 'n gebied van Australië, soos die Verenigde Koninkryk se aanspraak op die eilande verlaat. Die eilande word van die Australian Antarctic Division of the Department of the Environment and Heritage in Canberra beheer.

Die Heard- en McDonaldeilande is in 1997 by UNESCO se wêrelderfenisgebiedslys bygevoeg. Die rede hiervoor is dat die eilandgroep die enige sub-antarktiese vulkaniese aktiwiteit toon, waarby geomorfologiese prosesse en glasiale dinamika waargeneem kan word. Die fauna en flora is uniek, sonder veel invloede van buite die eilandgroep.

Eksterne skakels

• (en) UNESCO-webtuiste met inligting oor die Heard- en McDonaldeilande
• (en) Foto's van die Heard- en McDonaldeilande