Republica de Macedonia

Република Македонија Republika Makedonija
(En detalle) (En detalle)
Lema nacional:
Himno nacional: Денес Над Македонија (Denes Nad Makedonija: «Hue sobre Macedonia»)
Capital  • Población	Skopje 600.000
Mayor ciudat	Skopje
Idiomas oficials	Macedonio1
Forma de gubierno President Primer menistro	Republica Gjorge Ivanov Nikola Gruevski
Independencia -Reconoixita	de Yugoslavia 8 de setiembre de 1991
Superficie  • Total  • % augua	Posición 149º 25.713 km² 1,9
Población  • Total  • Densidat  • Densidat	Posición 140º 2.100.554 79 ab./km² 79 hab/km²
PIB (PPA)  • Total (2008)  • PIB per capita	Posición 124º US$ 15.780 millons US$ 9.157
Moneda	Dinar macedonio (MKD)
Chentilicio	Macedonián, macedoniana
Zona horaria  • en Verano	UTC+1 UTC+2
Dominio d'Internet	.mk
Codigo telefonico	+389
Prefixo radiofonico	Z3A-Z3Z
Codigo ISO	807 / MKD / MK
Miembro de: OTAN, ONU, OSCE
1Totas as luengas d'as etnias con más d'o 20% de representación en os municipios son idiomas oficials municipals. Entre istos se troban o albanés, o turco, o serbio, o romaní, ecetra.

A Republica de Macedonia (FYROM)ye un estato independient en a peninsula balcanica a lo sudeste d'Europa, con una superficie d'alto u baixo 25.713 km² y una población d'arredol de dos millons de habitants. A suya capital ye Skopje. A causa d'o pleito con Grecia y Bulgaria por o nombre de Macedonia, internacionalment s'emplegan as denominacións "ex Republica Yugoslava de Macedonia" (Nacions Unitas) u "Antigua Republica Yugoslava de Macedonia", dende a independencia d'o país de l'antiga Yugoslavia o 8 de setiembre de 1991.

L'actual President de Macedonia ye Gjorge Ivanov, y o Primer menistro de Macedonia ye Nikola Gruevski.

Mugas

A Republica de Macedonia, que no tien salida a la mar, muga con Grecia, Bulgaria, Serbia y Albania.

Población por etnias y nacionalidatz

A población de Macedonia ye multietnica. Os eslavos macedonians son a mayor parte d'a población, seguitos por os albaneses. Tamién bi ha serbios, turcos, vlacos y chitans. Os serbios de Macedonia en a muga con o Kosovo son serbios islamizatos descendients d'a población serbia que i heba en o Kosovo enantes d'a invasión otomana. Macedonia yera a republica yugoslava con mayor concentración de turcos, (en 1981 uns 87.000, o 4 % d'a población d'a republica, a mayoría d'un total de 100.000 en tota l'antiga Yugoslavia). Manimenos os que a lo principio se definiban como turcos pasoron a declarar-sen como albaneses u chitans. En 1981 os vlacos de Macedonia son arrumans y no plegaban a las 7000 presonas. Os vlacos viven en as rechions de Bitola, Resen y Krusevo, en os monts Osgovo y a val de Kriva.

Esporte

Os esportistas de Macedonia compitioron con a equipe de Yugoslavia dica 1991. Os esportes mes populars son o fútbol, o baloncesto y o balonmán.