Secundum bellum mundanum

Europa tempore secundi belli mundani.

Asia tempore secundi belli mundani.

Secundum bellum mundanum, sive secundum bellum mundiale, vel Bellum Orbis Terrarum II, quod in mundo ab anno 1939 usque ad annum 1945 saeviebat, sic appellatur quod alterum bellum fuit quo fere omnes totius orbis terrarum civitates pugnabant. Etiam ultra modum primi belli mundani, bellum alterum fuit magnitudinis immensae, ingentem numerum victimarum praebens: primo bello duo milliones militum ceciderunt; in secundo bello mundano circa quadraginta et quinque milliones vitam amiserunt. Dum bellum gerebatur, sex milliones Iudaeorum interfecti sunt in caede civili Shoa postea appellata, Adolfo Hitler, Henrico Himmler, aliisque nazistis auctoribus. Et bellum maximum et summa Iudaeorum caedes manserunt inoblitum permultorum hominum vulnus.

Regiones

Bellum vehementissime in Europa et Asia gerebatur, antequam in Africam septentrionalem et oceanos mundi expansum est. Auctores belli, Germania, Italia, et Iaponia, amicitatis foedus fecerunt. Inter civitates quae se defendebant vel quae defendentes adiuvabant, erant Unio Sovietica, Civitates Foederatae Americae, Regnum Britanniarum, Polonia, Francia, Canada, Nova Zelandia, et Australia. Illae civitates foedere adligatae erant et ita 'adligatae' appellabantur. Ex parte adligatorum, civitates hosticae etiam "potestates axis" (Anglice: axis powers) appellabantur. Locutio enim in usu erat de axi Berolinensi Romanoque vel Berolinensi et Tociensi.

• 

  Proelium Britanniae progressum Germanicum in Europa Occidentali finivit.

• 

  Ianuario 1943, milites Germani homines studiosos belli Sovieticos pensile necant.

• 

  Milites Civitatum Foederatarum e navi in litus Normannicum die 6 Iunii 1944 egrediunt.

• 

  Imperatores supremi Berolini die 5 Iunii 1945 conveniunt: Bernardus Montgomery, Dwight D. Eisenhower, Georgius Žukov, et Ioannes de Lattre de Tassigny.

• 

  Winston Churchill Primus Minister signum victoriae multitudini Londinii Die Victoriae in Europa dat.

Tempora

Initium: Bellum in Europa Asiaque, 1939–1940

Hitler civitates Germaniae finitimas vastare coepit. Mense Augusto anno 1939, Germaniae et Unioni Sovieticae placuit, ne altera civitas alteram adgredetur. Hoc pacto, Germania Poloniam die 1 Septembris eiusdem anni invasit. Legiones Polonorum pro patria unam mensem bellabant, legionibus Sovieticis die 17 Septembris quoque invadentibus. Victa sine magno conatu atque molimento Polonia, Germani copias mense Martio 1940 contra Daniam Norvegiamque transferunt et Maio Nederlandiam, Belgicam, Luxemburgum, Franciam irrupebant, facileque eas fere 1940 superabant, Lutetiamque occupabant. Tunc contra Britanniae insulam munus aeriale conieciunt. Proelio in aera aliquas menses facto, Germani se Britanniam invadere non posse videbant copiis Britannicis in Britannia positis ad Germanos repellendum. Interea, in Asia Iaponia Coream anno 1910 incucurrerat et Manchuriam anno 1931. Principium bellum dicari potest etiam secundum bellum esse inter Sinam et Iaponiam , 7 Iulii, 1937. et mergit parte Secundi Belli mundialis.

Annus 1941

Depopulata Iugoslavia mense Aprili 1941 et foedere cum Unione Sovietica pacto fracto, die 22 Iunii 1941 Hitler insano indulsit labori et Unionem Sovieticam adortus est. Initio belli in Unionem Sovieticam copiis Germanicis res bene successerunt.

Mense Decembre, accurate die 7 Decembris, Iaponia sine belli denuntiatione contra Civitates Foederatae Americae proelium commisit, cum tormentis et telis castrum marinum Pearl Harbor (Portum Margaritarium) prope Oahu Havaiorum adgressus est. Insequentibus diebus, America Iaponiae, Germaniae, et Italiae bellum indixit. Iaponia in Asia concitator erat incurrente Serem, Coream, Philippinas.

Annus 1942

Die 17 Iulii anni 1942, pugna Stalingradensis inter copias Germaniae et Unionis Sovieticae coepit. Die 4 Novembris anni 1942 exercitus Regni Britanniarum vicit copias Italiae et Germaniae prope El-Alamein in Aegypto. Die 8 Novembris, legiones Americanae et Britannicae in litore Africae borealis Francicae exposuerunt. Iaponia Indonesiam anno 1942 incucurrit.

Annus 1943

Die 2 Februarii anni 1943, copiae Unionis Sovieticae vicerunt in pugna Stalingradensi. Die 25 Iulii 1943 Magnum Consilium fascismi abdicationem Beniti Mussolini petivit et Mussolini se a munere Praesis Consilii ministrorum removit, sed iam die 8 Septembris 1943 a Germanis ut ducem Rei Publicae Socialis Italicae restitutus est.

Die 23 Augusti 1943, copiae Germaniae victae sunt ab exercitu Unionis Sovieticae in pugna Kurskensi (quae a die 5 Iulii durabat).

Annus 1944

Die 6 Iunii anni 1944, legiones Americanae, Britannicae, Canadienses exercitus in litore Normannico exposuerunt et in aliquos menses Galliam a dominio nazista liberaverunt.

Annus 1945

Post cladem Germanicorum et Italicorum militum etiam in Italia septemtrionale die 25 Aprilis 1945 Mussolini cum amante Clara Petacci fugam e Mediolano in Vallem Telinam conatus est, sed iam die 27 Aprilis veste militis Germanici abditus in vico apud Larium Lacum (Giulino di Mezzegra) manibus militum qui contra potestatem suam pugnabant comprehensus est et insequenti die supplicio adfectus est.

Die 30 Aprilis 1945, Adolpho Hitler nece sibi conscito, Carolus Dönitz novus cancellarius Germanicus Germaniam expugnatam et victam die 2 Maii anni 1945 dedidit, et ergo die 8 Maii anno 1945 bellum Europaeum finem habuit.

Die 12 Aprilis, Roosevelt praeside Americano mortuo, novo praeses Harrius S. Truman bombas atomicas in urbes Iaponicas ici iussit. Die 6 Augusti Hirosima die 9 Augusti Nagasacium eo modo deletae sunt. Haec terribilia et potentissima nova arma Iaponiam ad deditionem pellexerunt, et nam die 2 Septembris secundum bellum mundanum finitum est.

De exitu belli

Omnibus victoribus dividendi Germaniam libido erat et ergo, bello confecto, illa in quattuor partes divisa est. Unio Sovietica partem orientalem in sua potestate habuit; partes occidentales a Francia, Regno Britanniarum, et Civitatibus Foederatis Americae occupatae sunt. Anno 1949 duae civitates creatae sunt: in parte orientali Res publica Democratica Germanica et in regionibus ad occidentem versus Res publica Foederalis Germanica quae solum anno 1990 contributae sunt.

Anno 1946 inter praeclara iudicia Norimbergensia praecipui viri publici nazistae in ius vocati sunt et multi etiam capite damnati sunt.

Civitates participantes

Milites Civitatum Foederatarum et Unionis Sovieticae inter se ad orientem Albis fluminis mense Aprile 1945 incidunt.

Primae nationes quae belli initium fecerunt (asterisco monstrantur potestates axis):

• 1 Septembris 1939–8 Maii 1945: Tertium Imperium (Germania et Austria) (*)
• 1 Septembris 1939: Polonia
• 3 Septembris 1939–8 Maii 1945: Britanniarum Regnum (et Australia)
• 3 Septembris 1939–8 Maii 1945: Francia
• 10 Septembris 1939–15 Augusti 1945: Canada
• 30 Novembris 1939–4 Septembris 1944: Finnia (*)
• 9 Aprilis 1940–4 Maii 1945: Dania et Norvegia
• 10 Iunii 1940–25 Aprilis 1945: Italia (*)
• 28 Octobris 1940–1945: Graecia
• 21 Iunii 1941–1945: Hungaria (*)
• 22 Iunii 1941–8 Maii 1945, 9 Augusti 1945–15 Augusti (2 Septembris) 1945: Unio Rerum Publicarum Socialisticarum Sovieticarum
• 7 Decembris 1941–15 Augusti (2 Septembris) 1945: Iaponia (*) et Civitates Foederatae Americae

Pelliculae de bello selectae

• Der Untergang
• Roma città aperta
• Saving Private Ryan

Vide etiam

• Bellum Magnum Patrium
• Bellum Pacificum
• Germania Nazistica
• Bellum mundanum

Bibliographia

Via Berolini in media urbe post Proelium Berolini; imago die 3 Iulii 1945 facta.

Bomba atomica super urbem Nagasacium die 9 Augusti 1945 dissilitur.

• Adamthwaite, Antonius P. 1992. The Making of the Second World War. Novi Eboraci: Routledge. ISBN 0415907160.
• Brody, J. Kenneth. 1999. The Avoidable War: Pierre Laval and the Politics of Reality, 1935–1936. Transaction Publishers. ISBN 0765806223.
• Bullock, A. 1962. Hitler: A Study in Tyranny. Penguin Books. ISBN 0140135642.
• Busky, Donaldus F. 2002. Communism in History and Theory: Asia, Africa, and the Americas. Praeger Publishers. ISBN 0275977331.
• Davies, Normannus. 2008. No Simple Victory: World War II in Europe, 1939–1945. Penguin Group. ISBN 0143114093.
• Glantz, David M. 2001. "The Soviet‐German War 1941–45 Myths and Realities: A Survey Essay." [1]
• Graham, Helen. 2005. The Spanish Civil War: A Very Short Introduction. Oxford University Press. ISBN 0192803778.
• Hsiung, Iacobus Chieh. 1992. China's Bitter Victory: The War with Japan, 1937–1945. M. E. Sharpe. ISBN 156324246X.
• Jowett, Philippus S., et Stephen Andrew. 2002. The Japanese Army, 1931–45. Osprey Publishing. ISBN 1841763535.
• Kantowicz, Eduardus R. 1999. The rage of nations. William B. Eerdmans Publishing. ISBN 0802844553.
• Kershaw, Ian. 2001. Hitler, 1936–1945: Nemesis. W. W. Norton & Company. ISBN 0393322521.
• Kitson, Alison. 2001. Germany 1858–1990: Hope, Terror, and Revival. Oxoniae: Oxford University Press. ISBN 9780199134175.
• Mandelbaum, Michael. 1988. The Fate of Nations: The Search for National Security in the Nineteenth and Twentieth Centuries. Cambridge University Press. ISBN 052135790X.
• Murray, Williamson, et Allan Reed Millett. 2001. A War to Be Won: Fighting the Second World War. Harvard University Press. ISBN 0674006801.
• Myers, Ramon, et Marcus Peattie. 1987. The Japanese Colonial Empire, 1895–1945. Princeton University Press. ISBN 0691102228.
• Preston, Peter. 1998. Pacific Asia in the global system: an introduction. Oxford: Blackwell. ISBN 0631202382.
• Record, Jeffery. 2005. Appeasement Reconsidered: Investigating the Mythology of the 1930s. DIANE Publishing. ISBN 1584872160.
• Shaw, Anthony. 2000. World War II Day by Day. MBI Publishing Company. ISBN 0760309396.
• Smith, Winston, et Ralph Steadman. 2004. All Riot on the Western Front, Volume 3. Last Gasp. ISBN 0867196165.
• Weinberg, Gerhard L. 1994. A World at Arms: A Global History of World War II. Cantabrigiae: Cambridge University Press. ISBN 0521558794. (Paginae selectae apud Google Books)
• Zalampas, Michael. 1989. Adolf Hitler and the Third Reich in American magazines, 1923–1939. Bowling Green University Popular Press. ISBN 0-87972-462-5.
• Дашичев В. И. Банкротство стратегии германского фашизма. — М.: Наука, 1973.
  • Tomus I: Подготовка и развёртывание нацистской агрессии в Европе 1933—1941 гг
  • Tomus II: Агрессия против СССР. Падение «третьей империи»
• История второй мировой войны 1939−1945 в двенадцати томах. Воениздат, 1973-76

Nexus externi

Vicimedia Communia plura habent quae ad Secundum bellum mundanum spectant.

• Archivum Libellorum Propagandorum Belli Orbis Terrarum II
• "The Art of War Online Exhibition" apud Archivum Nationale Britannicum
• Pars de Bello Orbis Terrarum II apud Deutsche Welle
• Nuntii radiophonici annis 1939-1945
• "West Point Maps of the Asian-Pacific War"
• "West Point Maps of the European War"