1940

Kalenders

Gregoriaanse kalender 1940 MCMXL Ab urbe condita 2693 Armeense kalender 1389 ԹՎ ՌՅՁԹ Sjinese kalender 4636 – 4637 丙卯 – 丁辰 Ethiopiese kalender 1932 –1933 Hebreeuse kalender 5700 – 5701 Hindoekalenders - Vikram Samvat 1995 – 1996 - Shaka Samvat 1862 – 1863 - Kali Yuga 5041 – 5042 Irannese kalender 1318 –1319 Islamitiese kalender 1359 –1359

Die jaar 1940 was 'n skrikkeljaar wat volgens die Gregoriaanse kalender op 'n Maandag begin het. Dit was die 40ste jaar van die 20ste eeu n.C. In teenstelling met gewone jare het die jaar 366 dae en 'n 29 Februarie gehad.

Gebeure

• 9 April – Tweede Wêreldoorlog: Duitsland val Denemarke en Noorweë in.
• 15 April – Tweede Wêreldoorlog: Die Geallieerdes begin hul aanval op die Noorweegse dorp Narvik.
• 25 April – Tweede Wêreldoorlog: Met “Operation demon” begin die Verenigde koninkryk Griekeland ontruim.
• 13 Mei – Tweede Wêreldoorlog: Nazi Duitsland se inval van Frankryk begin toe die Duitse weermag die Meuserivier oorsteek.
• 24 Mei – Igor Sikorsky voer die eerste suksesvolle enkel-rotor helikopter vlug uit.
• 3 Junie – Tweede Wêreldoorlog: Die Slag van Duinkerken beëindig met 'n Duitse taktiese oorwinning.
• 9 Junie – Tweede Wêreldoorlog: Pantserbrigade van Erwin Rommel steek die Seine-rivier oor.
• 10 Junie – Tweede Wêreldoorlog: Italië verklaar oorlog teen Frankryk en Engeland.
• 14 Junie – Tweede Wêreldoorlog: Eerste gevangenes arriveer in Auschwitz-konsentrasiekamp.
• 17 Junie – Tweede Wêreldoorlog: Die Sowjetunie beset Letland.
• 20 Junie – Tweede Wêreldoorlog: ’n Nuwe regering word gevorm in Letland nadat die Rooi Leër die land beset het.
• 21 Junie – Tweede Wêreldoorlog: Frankryk kapituleer teen Duitsland.
• 22 Junie – Tweede Wêreldoorlog: Maarskalk Phillippe Pétain teken die wapenstilstand met Duitsland en vestig die Vichy-regering.
• 24 Junie – Tweede Wêreldoorlog: Frankryk en Italië teken ’n wapenstilstand.
• 5 November – Franklin D. Roosevelt wen die Amerikaanse presidentsverkiesing en word die eerste president van Amerika vir ’n derde ampstermyn.
• 7 November – Die middelste deel van die Tacoma Narrowsbrug in Tacoma, staat Washington, stort ineen tydens 'n windstorm.
• Stigting van Suid-Afrika se Nywerheid-Ontwikkelingskorporasie (NOK)

Geboortes

• 12 Januarie – Bob Hewitt, Australiese en Suid-Afrikaanse tennisspeler.
• 31 Januarie – Albie Venter, Suid-Afrikaanse rolprentregisseur en -vervaardiger († 1990).
• 9 Februarie – J.M. Coetzee, Suid-Afrikaanse skrywer.
• 2 Maart – Frederik van Zyl Slabbert, Suid-Afrikaanse politikus, akademikus en sakeman († 2010).
• 15 Maart – Haas Schoeman, Springbokflank († 2006).
• 3 April – Pieter Fourie, Afrikaanse drama skrywer.
• 15 April – Penny Coelen, die eerste Suid-Afrikaner wat die Mej. Wêreld titel gewen het.
• 16 April – Margrethe II, koningin van Denemarke.
• 23 April – Sias Reinecke, Afrikaanse sanger en lid van Groep Twee († 1982).
• 2 Junie – Konstantyn II, koning van Griekeland van 1964 tot 1974, in Psikhikó, naby Athene.
• 8 Junie – Nancy Sinatra, Amerikaanse sangeres en aktrise.
• 23 Junie – Wilma Rudolph, Amerikaanse atleet († 1994).
• 10 Julie – Dawie de Villiers, Suid-Afrikaanse politikus en twee-en-dertigste Springbokkaptein.
• 13 Julie – Jeanne Goosen, 'n veelsydige Suid-Afrikaanse skryfster.
• 30 Julie – Clive Sinclair, Britse uitvinder en entrepreneur.
• 19 September – Zandra Rhodes, Britse modeontwerpster.
• 9 Oktober – John Lennon, Britse musikant († 1980).
• 9 Oktober – Manto Tshabalala-Msimang, Suid-Afrikaanse politikus († 2009).
• 29 Oktober – Frida Boccara, sangeres van Frankryk († 1996).
• 25 November – Percy Sledge 'n Amerikaanse sanger († 2015).
• 26 Desember – Marzanne Leroux-Van der Boon, Afrikaanse skrywer.

Sterftes

• 16 Maart – Selma Lagerlöf, Sweedse skryfster en ontvanger van die Nobelprys vir Letterkunde, 1909 (* 1858)
• 14 Oktober – Anje Hendriks Strik, ma van Hendrik Verwoerd (* 1873)