Honkonq

**Çin Xalq Respublikasının Honkonq Xüsusi İnzibati Ərazisi**
*中華人民共和國香港特別行政區*
Bayrağı	Gerbi
Rəsmi dil	Çin dili və İngilis dili
Ərazi; • Ümumi	; 1 104 km² km² (179-cu yer)
Əhali; • Təxmini sayı (2010); • Əhali sıxlığı	; 7 061 200 nəfər; 6 480 nəfər/km² (4-cü)

Honkonq və ya Honq Konq —Çin Xalq Respublikasının xüsusi statusu olan bölgəsi. İngiltərə XVII əsrdə bu bölgəni ələ keçirmiş, 1997-ci il iyulun 1-də burada hakimiyyəti Çin Xalq Respublikasına təhvil vermişdir. Honkonq dünyada ən yüksək həyat şəraitinə malik ölkə kimi də seçilir. Ölkədə adambaşına düşən milli gəlir 38 min 127 dollardır.

Etimologiya[redaktə | əsas redaktə]

Honkonq dünyada ən yüksək həyat şəraitinə malik ölkə kimi də seçilir. Ölkədə adambaşına düşən milli gəlir 90 min 856 dollardır. Bu göstərici ilə Honkonq Böyük Britaniya, Fransa, Almaniya, İsveç, Danimarka, İtaliya və Yaponiyanı qabaqlayır. Ölkədə ümumdaxili məhsul 253 milyard dollar təşkil edir. Asiyanın insanı özünə valeh edən və həyat səviyyəsinə görə dünyada öncül olan, elm, mədəniyyət və maliyyə mərkəzlərindən biri də Honkonqdur. Uzun illər ingilislərin protektoratı altında olan və yalnız ötən əsrin sonlarında Çinə birləşdirilən Honkonq bu gün də xüsusi idarəetmə ərazisi kimi qalmaqda davam edir.

Honkonq - Honkonq, Lantau adası, Koulun yarımadasından, Yeni Ərazidən və irili-xırdalı 260 adadan ibarətdir. Honkonqun ərazisi 9672 kvadratkilometrdir. Honkonq şimalda Şençjenlə (Çin) həmsərhəddir, idarəetmə ərazisinə Koulun adası da daxildir. Ərazisinin yalnız 25 faizində əhali yaşayır. Adanın digər yerləri təpələr və dağlardan ibarətdir. Honkonq - Avropa və Şərq mədəniyyətinin qovuşduğu ölkədir. Bu amil Honkonqun arxitekturasında özünü parlaq şəkildə göstərir. Paytaxtda binalar həm Qərb, həm də Şərq arxitekturasına uyğun şəkildə inşa edilib. Bu da şəhərə özünəməxsus gözəllik verir. Şəhərdə çoxlu sayda muzeylər, tarixi önəm daşıyan abidələr var.

Honkonqda Çin ənənəvi mətbəxi üstünlük təşkil edir. Özü də ölkədə balıq məhsullarından geniş istifadə edilir. Avropa mətbəxi də Honkonqda özünəməxsus yer tuta bilib. Honkonq həm də məşhur kinoaktyorlar - Brü Li, Ceki Çan, Çou Yun Fat, həmçinin məşhur rejissorlar - Con Bu, Bonq Karavay, Tsuy Xark, Yuan Hepin və digərlərinin vətənidir. Honkonq gəzməli, görməli və dincəlməli ölkədir.

Tarix[redaktə | əsas redaktə]

Coğrafi baxımdan əlverişli mövqedə yerləşdiyi üçün Honkonq 1698-ci ildə ingilislər tərəfindən işğal edildi. Yalnız 1977-ci ildə ingilislər ada üzərində Çinin suverenliyini bərpa etməsinə razılıq verdilər. Ancaq Londonla Pekin arasında əldə edilən razılığa əsasən, 2047-ci ilə kimi Honkonq xüsusi idarəetmə ərazisi kimi qalmaqda davam edəcək. Çin adanın daxili işlərinə müdaxilə etməyəcək. “Bir ölkə, iki sistem” kursu çərçivəsində Çin yalnız Honkonqun müdafiə və xarici siyasət məsələlərini həll edəcək. Buna paralel olaraq, Honkonq qanunvericilik (parlament), polis gücləri, milli pulu, vergilər, immiqrasiya siyasəti sahəsində müstəqilliyini qoruyub saxlaya bilib. Bundan əlavə, Honkonq beynəlxalq təşkilatlarda öz nümayəndəliklərini saxlayır, BMT səviyyəsində keçirilən bütün tədbirlərdə müstəqil dövlət (xüsusi idarəetmə ərazisi statusu çərçivəsində) kimi iştirak edir.

İqlim[redaktə | əsas redaktə]

Honkonqun iqlimi tropik və musson iqlimidir. Ölkədə quru və nisbətən soyuq qış dekabr ayından marta kimi davam edir. Yaz və yayı isti və yağışlıdır. Bu da ölkədə rütubətin yüksək səviyyədə olması ilə müşayiət olunur. Payız isə, əksinə, isti və günəşlidir, rütubət də ən aşağı səviyyədədir. Honkonqda ən soyuq hava +16 dərəcə hesab edilir. İyul ayında adada ən yüksək istilik +457işli iqlimə malik olması Honkonqu ilboyu turistlər üçün cəlbedici edir.

Əhali[redaktə | əsas redaktə]

2009-cu ilin məlumatına görə, Honkonqda 7,5 milyon adam yaşayır. Ölkə əhalisinin 95 faizini isə etnik çinlilər təşkil edir. Bundan əlavə, ölkədə hindistanlılar, pakistanlılar və vyetnamlılar da yaşayırlar. Honkonqun maliyyə sektorunda işləyənlər arasında avropalılar, həmçinin amerikalılar, avstraliyalılar, kanadalılar, yaponlar və koreyalıların sayı daha çoxdur. Ölkə əhalisi əsasən Honkonqun şimal hissəsində yaşayır.

Honkonqda ingilis təhsil sistemi tətbiq edilir. Ölkədə 9 universitet fəaliyyət göstərir. Məktəblərdə ingilis və Çin dili əsas dillər kimi tədris olunur. Ümumiyyətlə isə, burada ingilis dilini bilməyən adama, demək olar ki, rast gəlmək mümkün deyil. Bu da ingilislərin uzun illər adada ağalıq etməsi və yerlilər üzərində mədəni, mənəvi və dil baxımından böyük təsirə malik olması ilə əlaqədardır.

Sənaye[redaktə | əsas redaktə]

Honkonqun sürətli iqtisadi inkişafı və Asiyanın və dünyanın ən iri ticarət mərkəzlərindən birinə çevrilməsi ötən əsrin 50-ci illərinin əvvəllərində baş verdi. Buna da səbəb Honkonqda həddindən artıq ucuz işçi qüvvəsinin olması oldu. Qısa müddətdə Honkonq xaricə milyardlarla dollar sənaye malları ixrac edən bir ölkəyə çevrildi. Buna paralel olaraq, adada əhalinin yaşayış səviyyəsi də yüksəldi və ölkə dünyanın maliyyə mərkəzlərindən birinə çevrildi.

Təmiz küçələr, gülərüzlü yerli çinlilər, gözü qamaşdıran parlaq reklam lövhələri bura gələnlərin diqqətini özünə cəlb edir. Honkonqun gecələri daha ecazkar olur. Şəhər sanki göyqurşağını xatırladan müxtəlif, al-əlvan rənglərin altında rəqs edir. Honkonq gecələrində ilin istənilən fəslində insanlar qaynaşırlar. Buna da səbəb şəhərdə fantastik sayda əyləncə mərkəzlərinin olmasıdır.

Honkonqda milli parkların və qoruqların salınması xüsusi diqqət mərkəzindədir. Ölkə ərazisinin 40 faizini qoruqlar və milli parklar təşkil edir. Adanın 4 tərəfdən dəniz suları ilə əhatə olunması, burada çoxsaylı istirahət mərkəzlərinin inşa edilməsi və ilin bütün fəsillərində çimərliklərin fəaliyyət göstərməsi turistlərin diqqətini cəlb edir. Honkonqun dəniz sahilləri dincəlmək və istirahət etmək üçün olduqca əlverişlidir.

İqtisadiyyat[redaktə | əsas redaktə]

Honkonq dünyada ən yüksək həyat şəraitinə malik ölkə kimi də seçilir. Ölkədə adambaşına düşən milli gəlir 38 min 127 dollardır. Bu göstərici ilə Honkonq Böyük Britaniya, Fransa, Almaniya, İsveçrə, Danimarka, İtaliya və Yaponiyanı qabaqlayır. Ölkədə ümumdaxili məhsul 253 milyard dollar təşkil edir.

Ada həm də dünyanın ən iri ticarət mərkəzlərindən biridir. 2006-cı ildə Honkonq dünyanın 114 ölkəsinə öz məhsullarını göndərirdi. Fond birjalarının sayına görə Honkonq dünyada Londondan sonra ikinci yeri tutur. Rəqabət bacarığına, rəqabətə davamlılığına görə Honkonq dünyanın 46 məşhur maliyyə mərkəzləri arasında 3-cü, Asiyada isə birinci yerdədir.