Illa Montserrat
A illa de Montserrat é un Territorio Británico de Ultramar dependente do Reino Unido situado ao sueste da illa de Porto Rico, en augas do mar Caribe. É unha das Illas de Sotavento, que forman parte das Antillas Menores ou Pequenas Antillas ao suroeste de Antiga e ao noroeste de Guadalupe. A illa así nomeada por Cristovo Colón en 1493 pola montaña do mesmo nome situada xunto a Barcelona.
Índice
Historia[editar | editar a fonte]
Cristovo Colón descobre a illa en 1493 e bautízaa co nome actual. Con todo, non é ata 1632 cando chegan os primeiros colonos británicos. Francia intenta ocupar a illa en dúas ocasións, entre 1664 e 1668 e despois entre 1782 e 1784, con todo os británicos reestablecen o poder.
En 1956 a illa deixa de ser administrada como parte da Federación de Sotavento e en 1967 a illa decide continuar o seu status colonial. En 1989 a illa fora azoutada polo furacán Hugo. En 1995 o volcán Soufriere Hills entra en erupción e destrúe a cidade de Plymouth, obrigando á poboación a evacuar a illa.
Goberno e Política[editar | editar a fonte]
Un gobernador actúa como o xefe de estado simbólico e é o representate da Raíña. Un Ministro Principal elixido é o xefe de goberno. O seu máximo tribunal de xustiza é a Suprema Corte do Caribe Oriental.
Montserrat é membro da Comunidade do Caribe e da Organización de Estados do Caribe Oriental.
Organización político-administrativa[editar | editar a fonte]
Politicamente a illa divídese en 3 parroquias:
Xeografía[editar | editar a fonte]
Montserrat localízase ao sueste de Porto Rico e ao suroeste da illa Antiga.
A illa é montañosa e volcánica na súa totalidade e o seu punto máximo é o volcán Soufriere Hills (914 m) que se atopa actualmente activo; existen tamén algunhas pequenas praias na costa.
O clima é tropical con pequenas variacións de temperatura e de xuño a novembro a illa é azoutada por furacáns.
Economía[editar | editar a fonte]
A súa moeda é o dólar do Caribe Oriental. A economía de Monserrat baséase na pesca e o turismo. Tamén é importante a emisión de selos postais para coleccionistas.
Demografía[editar | editar a fonte]
O país está composto dunha maioría de mulatos, moitos destes descendentes de irlandeses e africanos; tamén existe unha minoría branca. A maioría da poboación profesa o protestantismo (metodistas, pentecostales, adventistas do Sétimo Día) cun 45%, o anglicanismo cun 35%, o catolicismo cun 15%, e outras minorías relixiosas.
O 18 de xullo de 1995 o volcán Soufriere Hills fixo erupción e desde esa data continúa arroxando lava e cinza esporadicamente, o cal provocou a emigración da maioría da poboación da illa. Na actualidade o sur da illa atópase practicamente deshabitada, principalmente a área de Plymouth, a cidade capital. Ata que volva a calma en Plymouth, o pobo de Brades serve como sede temporal de goberno. Antes da erupción volcánica, a poboación era de 13.000 habitantes. Máis de 9.000 fuxiron pero moitos volveron. A poboación actual está ao redor de 9.000 e a maioría da poboación reside no noroeste da illa.
Cultura[editar | editar a fonte]
Como outras illas do Caribe, na cultura da illa hai influencias europeas e africanas. Un aspecto a resaltar é a influencia irlandesa xa que os primeiros colonos brancos foron de Irlanda.
|