Grikkland
Hellenska lýðveldið | |
Ελληνική Δημοκρατία Ellinikí Ðimokratía |
|
Fáni | Skjaldarmerki |
Kjörorð: „Ελευθερία ή θάνατος (gríska: frelsi eða dauði)“ |
|
Þjóðsöngur: Hýmnos prós tén Eleutherián |
|
Höfuðborg | Aþena |
Opinbert tungumál | gríska |
Stjórnarfar | Lýðveldi Prokopis Pavlopoulos Alexis Tsipras |
Sjálfstæði | |
- frá Tyrkjaveldi | 25. mars 1821 |
Flatarmál - Samtals - Vatn (%) |
97. sæti 131.957 km² 0,87 |
Mannfjöldi - Samtals (2011) - Þéttleiki byggðar |
78. sæti 10.815.197 82/km² |
VLF (KMJ) - Samtals - á mann |
áætl. 2013 266 millj. dala (44. sæti) 23.631 dalir (42. sæti) |
VÞL (2013) | 0.860 (29. sæti) |
Gjaldmiðill | evra (€) |
Tímabelti | UTC+2 (UTC+3 á sumrin) |
Þjóðarlén | .gr |
Landsnúmer | 30 |
Grikkland (gríska Ελληνική Δημοκρατία, Ellinikí Dimokratía, Ελλάδα, Ellaða; eldra form: Ελλάς, Hellas) er land í Suðaustur-Evrópu á suðurenda Balkanskaga. Grikkland á landamæri að Búlgaríu, fyrrum Júgóslavíulýðveldinu Makedóníu og Albaníu í norðri og Tyrklandi í austri. Landið liggur að Jónahafi í vestri og Eyjahafi í austri. Landið skiptist í níu landfræðileg héruð: Makedóníu, Mið-Grikkland, Pelopsskaga, Þessalíu, Epírus, Eyjahafseyjar (þar á meðal Dodecanese og Hringeyjar), Þrakíu, Krít og Jónísku eyjarnar. Um 80% landsins er fjalllendi og hæsti tindur þess er Ólympsfjall sem nær 2.917 metra hæð. Grikkland á lengstu strandlengju allra landa við Miðjarðarhafið. Íbúar Grikklands eru um ellefu milljónir. Aþena er höfuðborg og stærsta borg landsins.
Saga Grikklands er löng og merkileg og landið er gjarnan álitið vera vagga vestrænnar siðmenningar. Landið rekur uppruna sinn til Mýkenumenningarinnar sem hófst á bronsöld um 1600 f.Kr. Í Grikklandi hinu forna liggja rætur lýðræðis, vestrænnar heimspeki, vestrænnar leiklistar, sagnaritunar, stjórnmálafræði og stærðfræði. Grísk menning hafði mikil áhrif um allan heim, meðal annars vegna landvinninga Alexanders mikla í Asíu og landvinninga Rómverja í Evrópu í fornöld. Nútímaríkið Grikkland var stofnað eftir ellefu ára sjálfstæðisstríð Grikklands gegn Tyrkjaveldi sem lauk með formlegri viðurkenningu sjálfstæðis árið 1832.
Grikkland er aðili að Evrópusambandinu, Evrópuráðinu, Atlantshafsbandalaginu og OECD. Landið er hátekjuland og stærsta hagkerfi Balkanskagans.
Grikkland er heimaland ólympíuleikanna. Fyrstu nútíma ólympíuleikarnir voru haldnir í Grikklandi árið 1896 og sumarólympíuleikarnir voru haldnir í Aþenu höfuðborg Grikklands árið 2004.
Tengt efni[breyta | breyta frumkóða]
|
|
|
|