ЕРЭВАН — горад у Арменіі, сталіца краіны. Горад размешчаны ў левабярэжнай (па рацэ Аракс) частцы Арарацкай раўніны і часткова на вулканічным плато, на вышыні над узроўнем мора ад 850 да 1300 м. Праз Ерэван працякае буйнейшая рака Арменіі Раздан.
Ерэван з'яўляецца адным з найстаражытных гарадоў свету. У армянскай гістарычнай літаратуры ён упершыню згадваецца ў пачатку 6 ст. Згодна з выяўленым пры археалагічных раскопках клінапісны надпісам, урарцкі цар Аргішці I у 782 да н.э. пабудаваў крэпасць Эрэбуні, ля якой паўстаў сучасны Ерэван.
Ерэван буйнейшы горад Арменіі, насельніцтва складае 1,2 млн чал. (2011). Гэта важнейшы палітычны, культурны, навуковы і прамысловы цэнтр, а таксама галоўны транспартны вузел краіны. 2 аэрапорты. Метрапалітэн.
