Oséania

Péta kawasan Oseania

Oseania punika nami "bawana" ingkang kaginaaken kanggé klompok kepuloan ingkang wonten ing Samodra Pasifik. Oseania punika bawana kanthi wiyar dharatan paling alit lan cacahipun populasi paling alit nomer kalih sasampunipun Antartika.

Ing artosan sempit (ingkang sepisanan kadhefinisi panjlajah saking Perancis kanthi asma Jules Dumont d'Urville ing taun 1831), ingkang lumebet bawana Oseania inggih punika Polinesia (kalebet Selandia Baru), Melanesia (kalebet Nugini) lan Mikronesia. Éwadéné ing artosan wiyar, Oseania ugi ngliputi Australia lan Indonesia bagéyan wètan; nanging langka nglebetaken Jepang lan Kepuloan Aleut wonten ing klompok Oseania.

Sabagéyan ageng saking Oseania kapèrang saking nagari-nagari pulo ingkang alit. Australia punika setunggaling nagari kontinental, éwadéné Papua Nugini lan Timor Timur punika nagari ingkang nggadhahi watesan dharat, kalih-kalihipun kaliyan Indonesia.

Nagari-nagari ing Oseania nggadhahi kamardikan kanthi jumlah ingkang kathah ragamipun saking panguwaos-panguwaos kolonial nagari-nagari kasebat lan sampun angsal pangaturan konstitusional ingkang kathah variasinipun sesuai dengan keadaan mereka. Australia contonipun, inggih punika nagari ingkang kagabung ing Persemakmuran, saengga ngakeni Ratu Elizabeth II saking Britania Raya punika Ratu, sauntara Polinesia Perancis inggih punika setunggaling pays d'outre-mer ("nagara luar negeri") Perancis.

Sacara ekologi, Oseania punika setunggal ing antaraning wolu zona ekologi terestrial donya. Zona ekologi Oseania ngliputi Mikronesia, Fiji lan Polinesia kejawi Selandia Baru, Nugini, Kaledonia Baru, Kepuloan Solomon lan Vanuatu kalebet zona ekologi Australasia.

Mangga ugi pirsani

Pirsani galeri bab Oséania ing Wikimedia Commons.

• (en) Jane's Oceania
• (en) Pacific Pictures
• (en) South Pacific Organizer
• (en) Map South Pacific

Bawana-bawana ing Donya
Asia | Afrika | Amerika: Amérika Lèr - Amérika Kidul | Antartika | Eropah | Australia (Kapuloan Pasifik ing Oseania mboten mlebet bagéyan saking bawana pundi kémawon)