Ríu Danubiu
El Danubiu ye un ríu de la Europa Central, naz concretamente na Selva Negra (Alemaña) y percuerre 2.850 km enantes de llegar a les costes rumanes del Mar Negru. El Danubiu ye navegable por grandes barcos fasta la ciudá de Brăila (Rumanía) y por naves más pequeñes fasta Ulm (Alemaña), a 2600 km del mar.
Afluentes[editar | editar la fonte]
Aproximadamente 60 de los sos afluentes son navegables. Los principales son Lech, Isar, Inn, Morava,Váh, Rába, Drava, Tisza, Sava, Siret y Prut.
Distribución[editar | editar la fonte]
La cuenca del Danubiu comprende unos 777,000 km2, distribuyíos ente los estaos d'Alemaña, Austria, Eslovaquia, Hungría, Croacia, Serbia, Bosnia y Hercegovina, Eslovenia, Bulgaria, Rumanía, y Ucraína. Delles de les ciudaes más importantes del Danubiu son Ulm, Regensburg y Passau n'Alemaña; Linz y Viena n'Austria; Bratislava n'Eslovaquia; Győr y Budapest n'Hungría; Belgráu en Serbia; Ruse en Bulgaria; y Galați y Brăila en Rumanía.