Belarrusia

Рэспу́бліка Белару́сь Respublika Biełaruś
(En detalle) (En detalle)
Lema nacional:
Himno nacional: Мы, беларусы
Capital  • Población	Minsk 1.814.700
Mayor ciudat	Minsk
Idiomas oficials	Belarruso, ruso
Forma de gubierno President	Rep. semipresidencialista Aleksandr Lukashenko
Independenzia Declarata Reconoixita	d'a URSS 27 de chulio de 1990 25 d'agosto de 1991
Superficie  • Total Mugas	Posición 83º 207.600 km² 3.098 km
Población  • Total (2006)  • Densidat  • Densidat	Posición 77º 10.293.011 50 ab./km² 50 hab/km²
PIB (PPA)  • Total (2006)  • PIB per capita	Posición 78º US$ 36.944 millons US$ 3.808
Moneda	Rublo (BYR)
Chentilicio
Zona horaria  • en Verano	UTC+3 UTC+3
Dominio d'Internet	.by
Codigo telefonico	+375
Prefixo radiofonico	4JA-4KZ
Codigo ISO	031 / AZE / AZ
Miembro de: ONU, OSCE, CEI.

A Republica de Belarrusia u Belarrusia ye un país d'Europa Oriental en l'aria d'influencia cheopolitica rusa y anteriorment en l'aria d'influencia polaca y lituana. Actualment fa parti d'a Comunidat d'Estatos Independients.

Mugas

O territorio de Belarrusia muga en o sentito d'as agullas d'o reloch con Polonia a l'ueste, con Lituania a lo norueste, con una cantonera de Letonia a lo norte, con Rusia a lo norte a a l'este y con Ucraína a lo sud, con as Pauls d'o Pripet como muga natural con esta zaguera republica.

Población

A mayor part d'a población ye belarrusa, con una minoría polaca en extensas zonas de l'ueste muito reducita dimpués d'a segunda Guerra Mundial, chicotas minorías de lituans y de tartres de Lituania tamién en l'ueste a man d'a muga con Polonia y Lituania, y inmigrants rusos y ucranians, muitos d'ellos venitos en o periodo sovietico.

Historia

O territorio de l'actual Belarrusia yera habitato en l'alta Edat Meya por eslavos orientals que iban desplazando a los pueblos baltos enta l'ueste. Dimpués d'a invasión mongola a mayor parte d'o territorio d'os eslavos orientals quedó sozmeso por os mongols-tartres, pero con o tiempo os lituans conquirioron o territorio de l'actual Belarrusia y buena part d'Ucraína a los tartres d'o Khanato d'a Horda d'Oro. L'actual Belarrusia fació part de Lituania en a Unión Polaco-Lituana y en a Republica d'as dos Nacions y os suyos habitants eslavos orientals fuoron denominatos rutens. Quan o Imperio Ruso esdevinió una potencia mayor que Polonia-Lituania y participó en os repartos de Polonia os territorios habitatos por os actuals belarrusos fuoron anexionatos por o Imperio Ruso, os rutens-belarrusos fuoron consideratos simplament rusos y o territorio suyo fue denominato Rusia Occidental.

Periodo d'entreguerras

Quan dimpués d'a Revolución d'Octubre as potencias centrals ocupan amplos territorios en o frent oriental, negocian con o nuevo gobierno ucranián y reconoixen un Estato lituán a lo que conceden Grodno, Bialystok y Brest-Litovsk. Manimenos o 25 de marzo de 1918 se problamó a republica nacional de Belarrusia sin garra eco. Os polacos dende 1919 preboron de recuperar as mugas de 1772, extendendo a sobiranía polaca por os países rutens que enantes yeran d'a Unión Polaco-Lituana u d'a Republica d'as Dos Nacions. A guerra polaco-sovietica conduce en 1920 a que o territorio d'os Belarrusos quede dividito en dos por una muga a l'este de Minsk, ratificata por o tractato de Riga o 18 de marzo de 1921.

O renaiximiento cultural belarruso se produce en a decada de 1920 en o costato sovietico d'a muga. A Republica Socialista Sovietica de Belarrusia, establita o 1 de chinero de 1919 arredol de Minsk y Bobruisk será una republica costitutiba d'a URSS o 30 d'aviento de 1922 con Rusia, Ucraína e Trascaucasia. Entre 1924 y 1926 s'exampla con Polotsk, Vitevsk, Moguilov y Gomel. Queda una muga fixata entre Rusia y Belarrusia corresponde a la muga entre Rusia y Polonia enantes de 1772. Por un tiempo se fa oficial a luenga belarrusa y se creya una elite intelectual belarrusa, pero o Stalinismo reprimirá estas expresions y diezmará a clase intelectual.

Segunda guerra mundial

O Pacto chermano-sovietico de 1939 permite a los sovieticos ocupar a metat occidental de Belarrusia, baixo poder polaco. O exercito royo fa limpiezas etnicas de población polaca. Muitos polacos son deportatos ta Cazaquistán. En 1941 os alemans atacan a la Unión Sovietica y ocupan Belarrusia. S'organiza una resistencia partisana que se mantién dica a contraofensiva sovietica de 1944. Os Einsatzgruppen eliminan a población chodiga en a retaguardia d'as linias alemanas.

Postguerra y tornata a lo comunismo

En 1945, un tratau soviético-polaco fixó como muga entre la URSS y Polonia una muga equivalent a la Linia Curzon, lo que significó a Belarrusia una nueva muga y un ixamplamiento territorial enta l'ueste. Os polacos nunca no heban acceptau esta linia como muga etnica, pero dende 1919 la consideraba asinas la comunidat internacional. Dimpués 1945 os polacos que quedoron a l'este d'a nueva muga se troboron en a situación d'acceptar una nacionalidat diferent u emigrar. D'acuerdo con una investigación recient bells 3 millons de polacos viviban a l'este d'a Linica Curzón, dos quals arredol de 2.1 u 2.2 murioron, fuyoron, emigroron u fuoron forachitaus enta os nuevos territorios alemans anexionaus por a nueva Polonia.

A Belarrusia d'a postguerra teneba un menisterio d'Afers Exteriors teoricament diferent d'a URSS, y Belarrusia fació part o mesmo que Ucraína d'os fundadors d'a ONU, pero o país dependeba en realidat d'a URSS de tot. A presencia militar sovietica y a construcción de nuevas industrias trayó nueva población rusa y d'atras nacionalidatz d'a URSS fendo que a presencia d'os nativos belarrusos se fuese diluindo en qualques puestos. En o contexto d'a economía planificada sovietica Belarrusia teneba a función de producir equipamiento agricola, tractors, camions, y productos electronicos y d'alta tecnolochía destinaus a lo exercito u a la población (televisions, frigorificos y radios). A instalación d'industrias quimicas y petroquimicas vinió acompanyada d'a construcción d'a nueva ciudat de Navapolatsk, que representaba un foco de contaminación. A presión politica y cultural rusa en a Belarrusia sovietica yera muito fuerte, y por eixemplo a mitat d'a decada de 1980 no i heba garra escuela en Minsk que amostrase Bielorruso. A zaguers d'esta decada amanixió o Frent Popular Belarruso. Belarrusia estió o país més perchudicato por o desastre nucleyar de Chernobil de 1986.

Independencia

A independencia de Bielorrusia ye més resultato d'as circustancias que d'a voluntat nacional d'un pueblo que deseye a independencia. Lo que quereban més os bielorrusos yera a fin d'a hechemonía politica d'o Partito Comunista, unas esleccions libres y reparacions por a esferra de Chernobil.

O golpe melitar d'agosto de 1991 en Rusia significó a fin d'a URSS, y o 8 d'aviento de 1991 os presidents de Rusia, Bielorrusia y Ucraína firmoron a fin d'a URSS y a formación d'a CEI (Comunidat d'Estatos Independients). Dende ixe inte Bielorrusia ha tenito buenas relacions con Rusia.

En setiembre de 1991 a republica prenió o nombre de Belarus en cuenta de Belorosija. Staniskav Chchkevitch esdevinió chefe d'Estato de facto, pero fue destituito y reemplazato en chinero de 1994 por Mietchislav Grib.

Bibliografía

• André Sellier, Jean Sellier. Atlas de los pueblos de Europa Central. Acento editorial.