Vlag van Nigerië
Gebruik | Nasionale vlag |
---|---|
Verhouding | 1:2 |
Goedgekeur | 1 Oktober 1960 |
Ontwerp | ’n Vertikale tweekleur in groen, wit en groen. |
Ontwerp deur | Michael Taiwo Akinkunmi |
Gebruik | Burgerlike vaandel |
Verhouding | 1:2 |
Ontwerp | ’n Rooi vlag met die nasionale vlag in die skildhoek. |
Gebruik | Staatsvaandel |
Verhouding | 1:2 |
Ontwerp | ’n Blou vlag met die nasionale vlag in die skildhoek. |
Gebruik | Vlootvaandel |
Verhouding | 1:2 |
Ontwerp | ’n Wit vlag met die nasioanle vlag in die skildhoek en die kenteken van die Nigeriese vloot op die wapperkant. |
Die nasionale vlag van Nigerië is op 1 Oktober 1960 amptelik in gebruik geneem. Die vlag vertoon ’n vertikale tweekleur met ewe wye bane in groen, wit en groen.
Simboliek[wysig | wysig bron]
Elk van die drie bane het ’n unieke betekenis. Groen stel die landbou voor, wat Nigerië se vernaamste vorm van inkomste is, asook die skoonheid van die land (onderskeidelik die woude en die velde) en wit stel die Nigerrivier voor asook vrede en eenheid.
Ontwerp[wysig | wysig bron]
Die nasionale vlag is ’n aanpassing van die weninskrywing in ’n kompetisie wat in 1959 gehou is. Die oorspronklike ontwerp het ’n rooi son met uitgaande strale bo-aan die wit baan gehad maar die beoordelaars het dit verwyder en sedertdien is die vlag nie verander nie. Die ontwerper was Michael Taiwo Akinkumni, ’n student van Ibadan, wat die kompetisie in ’n koerant gesien het. Die ontwerp is in 1958 gekies as die beste ontwerp en die vlag is uiteindelik gebruik om Nigerië se onafhanklikheid te vier op 1 Oktober 1960, toe die Britse vlag gestryk is en die nuwe Nigeriese vlag gehys is.
Geskiedenis[wysig | wysig bron]
Totdat Nigerië in 1960 onafhanklik geword het, was dit ’n Britse kolonie. Brits-Nigerië het ’n blou Britse vaandel gebruik met die kenteken van Nigerië (’n rooi skyf met ’n groen Dawidster (soos die vlag van Marokko) en ’n kroon in die middel van die ster) op die wapperkant.
-
Vlag van die Republiek van Benin, 1967
-
Vlag van Biafra, 1967 tot 1970
Ander vlae[wysig | wysig bron]
Soortgelyke vlae[wysig | wysig bron]
Eksterne skakels[wysig | wysig bron]
- (en) Nigerië by Flags of the World.
|
Hierdie artikel is in sy geheel of gedeeltelik vanuit die Engelse Wikipedia vertaal. |